Şaristanê Stuttgartî yê Almanya de rayberîya ciwanan de seba şermezarkerdişê Qirkerdişê Parisî di çalakîyî ameyî kerdene û Ronayoxa PKKyî Sakîne Cansiz (Sara), Temsîlkara KNKyî ya Parisî Fîdane Dogan (Rojbîne) û Endama Têgêrayîşê Ciwanan Leyla Şaylemez (Ronahî) ameyî yadkerdene.

Ciwanan çarçewa çalakîyan de pankartî daliqnayî û bi dûya rengîne û sloganan qirkerdiş şermezar kerd. 

Şan zî ciwanan çalakîyêke kerde û verê trafîkî girewt. Çalakîye de fotografê Rayberê Şarê Kurdî Abdullah Ocalanî û Sakîne Cansiz ameyî berzkerdene.

Ciwanan çalakîye de sloganê sey 'Sara, Rojbîne, Ronahî', 'Cinîye, Cuye, Azadîye' û 'Biciwîyo Serek Apo' vatî.