Rixmo ke serdozgerê Swêdî eşkera kerd ke Olof Palme hetê kurdan ra nêkişîya û PKK seba kurdan rêxstinêka têkoşînî ya hukmatê Swêdî ne PKK lîsteya terorî ra vet ne zî fealîyetê terorîzekerdişê kurdan ra fek vera da.

Hetê bînî ra hukmatê Swêdî vera multecîyanê kurdan zî bi hawayêkê xirabî têgêreno û nê multecîyan sînorî ra teber keno. Menga nîsan de ciwano kurd Resûl Ozdemîr (23) teslîmê Tirkîya amebi kerdene û tewr peyêne zî kurdîstanija bi nameyê Zozane Buyuk (30) pa 2 domananê xo sînorî ra ameye teberkerdene.

Partîya Çepe û Vervatoxa Polîtîkayanê Huqûqî Linda Westerland Snecker pê vernîyazêk mesele berdbi rojdemê parlamento. 

Merkezê Komelê Demokratî yê Kurdan û rêxistinanê bînan ê kurdîstanijan medyaya dîjîtale ser o pê hastagê #KurdsAreNotTerrorist dest pê kampanyayêke kerd. Dezgehan venga pêro pawitoxanê heqan da ke tewrê kampanya bibê.

Kampanya emşo saeta 19.00 de do dest pêbikera û vilakerdişan de @Johanssonmorgan (Justitie- och migrationsminister @SAPOsverige (Säkerhetspolisen) Wezîrê Edalet û Koçberîye yê Swêdî bêrê etîketkerdene.

Reyna ewro saete 13.00 de warê Storatorgetî yê Orebroyî de seba şermezarkerdişê Dayîreyê Koçberan û Polîsanê Asayîşî yê Swêdî çalakîyêke bêra kerdene.