Merkezê Îrtîbatî û Çapemenîye yê HPGyî nasnameyê gerîlayê HPGyî Soran Maprîsî yo ke Zap de 2019 de şehîd bi, eşkera kerd û nê vatî:

''Hemrayê ma Soran Maprîs 1ê tebaxa 2019î de Warê Xoverdayîşî yê Girê Karkerî yê Zapî de hêrişê dişmenî de tewrê kerwanê şehîdan bi. Ma hemrayê xo ewladê qehreman ê Rojhelatê Kurdîstanî û mîlîtanê erjîyayî Soranî bi rêzdarî û mînetî yad kenê. Ma keyeyê hemrayê xo Soranî û şarê welatperwerî yê Ciwanroyî rê serweşîye wazenê.

Nasnameyê hemrayê ma Soranî wina yo:

Hemrayê ma Soran bajarê Ciwanroyî yê Rojhelatê Kurdîstanî de keyeyêkê eşîrê Cafî de yeno dinya û bi kulturê welatperwerîye beno pîl. Mektabanê rejîmî de 12 serrî waneno û semedê paştdayîşê keyeyê xo qijtîya xo ra xebityeno. Hemrayê ma Soran 2012 de mîlîtananê Apoyîyan nas keno û bi coşî girdî tewrê xebatan beno.

2014 de bado ke çeteyê DAÎŞî hêrişê Şingal, Rojawan û Başûrê Kurdîstanî kenê verê xo dano koyanê Kurdîstanî û tewrê refanê gerîlayan beno. Hemrayê Soran perwerdeyê xo verênî Herêmanê Pawitişî yê Medya de vîneno û tîya xeylê waran de wezîfeyanê cîya cîyayan de ca geno. O dima ra verê xo dano herêma Zapî û tîya xeylê çalakîyan de ca geno. Bitaybetî viraştişê tunelanê şerî de keda pîle dano. Hemrayê ma Soran 1ê tebaxa 2019î de gama ke Warê Xoverdayîşî yê Girê Karkerî yê Zapî de wezîfe ra agêreno hêrişê dişmenî de şehîd beno.''