Gulê Esad bi nameyê xo yê qodî Zîlane Roj1996 de şaristanê Amûdê yê Rojawanê Kurdîstanî de dadîya xo ra bena. Keyeyê Gulê Mêrdîn de ciwîyeno la Gulê keyeyê dadîya xo reyde Rojawan de bena pîl. Keyeyê ci yê welatperwerî Zîlane pê krîteranê welaterwerîye û Rayberê Şarê Kurdî Abdullah Ocalanî kerde pîl û rêxistin kerde.

Zîlane 2011 de tewra Şorişê Rojawanî bena û heta 2014î mîyanê xebatanê şorişî de ca gêna. 2015 ra dima Zîlane pê tesîrê şehadetan tewra gerîlayab bena. Zîlane Garê de dest pê gerîlatîye kena, Akademîya Şehîde Bêrîtane de perwerde vînena û derbazê warê Cengê Heftanînî bena.

Zîlane Heftanîn de embazîya PKKyî nêzdî ra şinasnena. A semedo ke têkoşînê xo aver bera waştişê xo ser o şina Vakurê Kurdîstanî. Zîlane Vakur de pê pratîkan hêzê xo şinasnena û dima warê Kato Jîrka yê Botanî de têkoşîn kena.

24ê êlula 2020î de Zîlane pa embazanê xo Serhildan Egîd, Yildize Gelhat, Botan Gabar, Botan Goyî û Rizgar Colemêrgî Kato Jîrka de Textê Reşî de bi çêrî şer kena û tewra karwanê şehîdan ê bêmergan bena.