'Çîyo girîng no yo ke merdim ganî bibo merdim'

Nazmî Guro HDPyîj o ke erdlerzê Wanî de birazîyê ci û dadîya ci wefat kerd ard ziwan ke tewr zêde şarê Wanî rewşa şarê Xarpêti fam keno û astengkerdişê hetkarîya HDPyî şermezar kerd.

Nazmî Guro ke erdlerzê Wanî yê 23ê teşrîna verêna 2011î de birazîyê ci û dadîya ci wefat kerd bale ante nîjadperestîya Tirkîya ser û vat: ''Wextêkê dergî ra nata jehrê nîjadperestîye visnenê mîyanê komelî. Komel yewbînan ra dûr keweno. "

Gurî pare kerd ke erdlerzê Xarpêtî ey ser o zaf tesîr kerd û vat: "Erdlerzê Wanî de birazîyê mi û dadîya mi merdî. Mi heman dejî erdlerzê Xarpêtî de hîs kerd. Ganî merdimî her erdlerzî ra dima dersan bigêro û metodanê xo yê xelisnayîşî biercno. Ganî wextanê winasênan de şovenîzm, nîjadperestî, hêrs û dişmenîye nêbê. Ma seba mexduranê erdlerzî kampanya kerde, ma bi hîsgerîye têgêrayî. La hetkarîyê ma ameyî redkerdene. Embazê ma sînorê Xarpêtî ra ameyî açarnayene.  Ma amade yê ke bi pêro firsendanê xo hetkarî bikerê. Êyê ke verê ma gênê, hetkarîyanê ma red kenê do xo ra şerm bikerê. Xarpêr serî ra heta binî merdim o. Êyê ke tewr zaf rewşa Wanî fam kenê şarê Wanî yê. Bi na wesîla ez reyna vaja ke ma heta peynîye verê nîjadperestîye yê."