Endamê Komîteya Merkezî ya PKKyî Cemal Şerîkî serra diyîne ya Hemleya 'Wext Wextê Azadîye yo' ANFyî rê ercnaye. Qiseykerdişê Şerîkî ra beşêk wina yo:

''Rayber Apoyî prosesê 12ê Êlule de wexto e gana verêne eşte têna semedê çareserîya meseleya kurdan nêwerişt we semedê Şorişê Tirkîya zî mesuldarî girewte xo milî. Eşkera yo ke îqtîdaro nikayêno faşîst nêeşkeno welat îdare bikero. Komel hînî îdareyê nê îqtîdarî qebul nêkeno. Coka nê rojî û rojê verê 12ê Êlula 1980î manenê pê.

Darbeya 12ê Êlule nêeşkaye PKKyî vindarna. Şorişo ke Kurdîstan de ame kerdene ganî xo biresno Tirkîya.  Ganî Hemleya 'Wextê Azadîye' bêra ardene bi Tirkîya. Vera îqtîdarê AP-MHPyî ganî hêzê demokrat û şorişgêrî yew bibê. Şorişê Kurdîstanî yeno mana yewîye. PKKyî bi na hemle mojna ke ê yewî û şorişêkê yewbîyayeyî yê winasênî rê amade yê. 

Xora cara gerîlayî bêmabên derbanê giranan danê artêşa tirke ya îşxalkere ro. Na artêşe a raşte bin kewta ke artêşa bihêze ya NATOyî ya. Têoşîno bêmabên eşkera keno ke dewlete nêeşkena ser bikewa. Hemleya Wextê Azadîye tewr zaf hetê gerîlayan ra yena temsîlkerdene. Zîndanan û komelî zî na hemle de pê çalakîyanê xo wezîfeyê xo ard ca. 

Hemleya Wextê Azadîye do vera tecrîd, îşxal û hêrişan mesuldarîya xo bikera. Nika wezîfeyo lezabez o ke Hemleya Wextê Azadîye mîyanê komelê Tirkîya de bêra vilakerdene. Ganî ma bieşkê ke komelê Kurdîstan û Tirkîya armancê şorişê yewbîyayeyî de biresnê pê. Eke no bêro kerdene temsîlkarê faşîzmê Darbeya 12ê Êlule îqtîdarê AKP-MHPyî do bêro çinkerdene.''