Endama Dezgehê Mamostayan ê Şengalî Dîya Şengalî derheqê weçînayîşê Iraqî de ANFyî rê qisey kerd. 

Dîya Şengalî pare kerd ke serkewtişê  delegeyanê înan xeylêk girîng o û vat: ''Komelê Êzidxanî ra Şêx Semîr Derwêş namzet o. Eke Şêx Demîr debikewo parlamentoyê Iraqî estbîyayyîşê komelê êzidîyan do temsîl bikero. Semedê komelê Êzidxanî serkewtişê namzetê ma  do hêvîya azadîye û pawitişê estbîyayîşê ma xurt bikero.

7 serrî yo ma tîya de dezgehê xo awan kerdî. Nê pêro xêrê şehîdanê ma ra bîyî. La hukmatê Iraqî heta nika qetî nê çîyî nêdîyî û qebul nêkerdî. La eke komelê ma mîyanê parlamentoyê Iraqî de bêro temmsîlkerdene no do semedê şinasîyayîşê xoserîye gamêka girînge biba. Ma komelê xo ra wazenê wa yew bibê û wayîrî êzidîbîyayîşê xo vejîyê.''