Qeyûmane ke 2016 de Şaredarîya Artemêtî rê ameyî tayînkerdene, dest na pêro çîyan ser. Qeyûmî nika zî çarçewa 'planê revîzyonê îmarê neweyî' de dest nanê erdî ser.

HDPyî weçînayîşê 2019î de se ra 70 rayê Artemêtî girewtbî la dima AKPyî şaredarîye rê qeyûm tayînkerdbi. Verî zî qeyûmê bi nameyê Atif Çîçeklîyî tayîn kerdbî. Çîçeklîyî 3 serran ra dest na Artemêtî ser û peyê xo de têna beton verda. Îsmaîl Say namzetê AKPyî bi la semedo ke şaredarîya destê HDPyî ra ameya girewtene weçînayîşê 2019î ra dima ame tayînkerdene. Say û Çîçeklîyî nê serran de mal û mulkê xo zêdînayî.

Atif Çîçeklîyo ke verî mulkê ci çinbi nika Artemêt de 2 wîlayê ci estê. Sayî zî pê rantî mal û mulkê xo zêdînayî. Sayî 17ê hezîrane de planêkê îmarî pêşkêş kerd û taxa Abdurrahman Gazî de bînayê bi 9 qatan virazîyayî.

Hetê bînî ra eşkera bi ke Serekê Dayîreyê Emlak Îstîmlakî yê Şaredarîya Wanî Sînan Ozdemîrî zî merdimê xo şaredarîye de ca kerdî.