Warê Werxelê yê herêma Avaşînî de 8ê hezîrana 2021î ra nata gerîlayî vera hêrişanê îşxalî yê artêşa tirke xo ver danê.

Gerîlayê xoverdayîşê Werxelê anê ziwan ke fermandarê tirkan leşkeran de nîqaşan kenê û nêwazenê uca de bimanê.

Şerê giranî yê 8-16ê hezîrane û çalakîyanê gerîlayan nêverda ke leşkerê tirkî nêzdîyê tunelanê şerî bibê. Artêşa tirke her çend pê helîkopteranê Skorskyî leşkeran ana war zî yew leşkerê ci zî nêeşka nêzdîyê gerîlayan biboç

16ê hezîrane de artêşa tirke ya îşxalkere vera gerîlayan giranîye daye gazanê jehrînan û teqaberan ser. Teqaberê ke artêşa tirke warê Cîloyê Biçûkî yê Zapî de şuxilnayî kewtî destê gerîlayan. Dewleta tirke Werxelê de zî heman metod şuxilna.

16ê hezîrane de artêşa tirke ya îşxalkere benzîn verda fekê tunelan û xîret kerd ke gerîlayan bivêşna. Artêşa tirke ya îşxalkere nê şerî de benzîn, gazanê kîmyewîyan xebitnena. Senî ke xoverdayîşê xoîdarekerdişî yê Cizîre de merdimî ameyî vêşnayene nika zî hê yenê vêşnayene.

Hêzanê gerîlayan ê Werxelê dîmenê nê kerdişan girewtî. Dîmenan de aseno ke dormeyê tunelan de têgêrayîşê leşkerano çin o la vengê teqaberan yeno.

Leşkerê tirkî nêeşkenê cewab bidê çalakîyanê gerîlayan û warê şerî ra remenê. Seke dîmenan de dîyeno leşkerî benzîn erzenê verê tunelan.