Hemsereka Komeleya Paştdayîşî û e bi Keyeyanê Tepişteyan û Hukmwerdeyan a Wanî (TUHAY-DER) Kudrete Temel nêrazîbîyayîşê nîşanê tecrîdê Rayberê Şarê Kurdî Abdullah Ocalanî da. Kudrete Temel vist vîrî ke bi mengan o destûr nêno dayene ke Ocalanî avûkatanê xo reyde pêvînayîş bikero û ard ziwan ke astengkerdişê pêvînayîşan fatisnayîşê haştîya Tirkîya yo.

Temele vat: "Ganî tecrîdê vera Ocalanî biqedo, binpaykerdişê heqanê merdiman ê tepişteyan biqedo. Ma seba haştîye destê xo derg kenê la heyf ke ê seba ke haştîye bêra ronayene nêxebitîyene.''

Temele vat: ''Tecrîdê Ocalanî astengîya tewr pîlere ya verê haştîye yo.'' û wina dewam kerd: "Êyê ke tecrîd de israr kenê nêwazenê ke haştîye bêra Tirkîya. Bi serran o ke merdimî seba ke tecrîd biqedo wefat kenê. Seba ke tecrîd biqedo grevê vêşanîye ameyî kerdene. Dima netîceya grevanê vêşanîye de avûkatan û keyeyî firsend dî ke Ocalan reyde pêvînayîş bikerê la tecrîd dewam keno.''

Temele da zanayene ke zîndanan de binpaykerdişê heqanê merdiman bîyî zêde û vat: ''Ganî tepişteyê nêweşî cade bêrê veradayene. Heqê telefonî û pêvînayîşî yê tepişteyan yenê binpaykerdene, îşkence bi înan yeno kerdene û tepişteyî hucreyê yewkesî de yenê vinderetene. Bi taybetî nêweşî û extîyarî ganî cade bêrê veradayene.''