Bira tepişîyayîşê Bîlîcîyî dîyaye
Dewaya xerakerdişê cezaya zîndanî ya serê Endamê Heyetê Rayberdişê Merkezî yê ÎHDyî Racî Bîlîcîyî de reya bira tepişîyayîşî dîyaye.
Endamê Heyetê Rayberdişê Merkezî yê ÎHDyî Racî Bîlîcîyî rê pê îdîaya 'endamîya rêxistine' cezaya zîndanî ya 6 serran û 3 mengan dîyabi. Semedê xerakerdişê ceza Mehkemeya Îstînafî de dewa amebî akerdene.
Dayîreyê Ceza yê Edlîyeya Adana 21ê kanûna 2020î de bira xerakerdişê ceza daye.
Na bire ra dima Mehkemeya Cezaya Girane ya Amedî de roniştişê dewa ame kerdene la dozgerî heman îdîa ra waşt ke Bîlîcî wa bêro cezakerdene û cezaya zîndanî ya 6 serran û 3 mengan reyna dîyaye Bîlîcî.
