Platformê Kede û Demokrasîyî yê Dêrsimî  destbendkerdiş, qedexe û qeyûm protesto kerdî.

Ergin Tekin ke çalakîya protestoyî de qisey kerd nê vatî: ''Nê hêrişî têna şexsî nîyî eynî wextî de yeno waştene îdareyê herêmî bibê bêtesîr. Vera îradeyê şarî darebe ya. Cezaya ke dîyaye Hemşaredarê Bajarê Pîlî yê Wanî Abdullah Zeydanî têna skandalê huqûqî nîyo, no ramojneno ke rejîmê qeyûmî bi hewayêk sîstematîkî yeno domnayene.Ganî waştişê zemî yê karkeran bêro caarne. Karkerî newera bigîrê karî û qedexeyê waltîye bêro wedarene.''

Tekînî vistîrî ke Îstanbul de sîyasetmedar, hunermend û rojnamegerî çarçewaya dehqîqatê HDKyî de ameyî destbendkerdene û vat: ''Vera poltîkayanê qeyûmî, serşetişê sendîkayan, sansurê çapemenîye û vera heme caardişanê antîdemokratîkan ganî ma têkoşînê hemparî gird bikerê.''