Hemşaredaran ê cinîyan ê DEM Partî xebetê xo yê çarçewaya kampanyaya Qala ma nêqedîyaye, ma do pîya şîdetî vindarne ya ke 13ê teşrîna peyêne de dîyaye destpêkerdene, eşkera kerdî. Bi eşkerayîye startê xebatanê 8ê Adare Rojawa Cinîyan ê Kedkaran ame dayene.  Eşkerayîya ke Şaredarîya Bajarê Pîlî yê Amedî de ameye kerdene xeylê kesî tewrê ci bîyî.

Verê eşkerayîye derheqê xebetanê ke çarçewaya kampanya de yenê rayraberdene, sînevîzyon ame mojnayene. Eşkerayîya kurdkî hetê Hemşaredara Bajarê Pîlî yê Mêrdînî Devirme Demir a ke wezîfeyê ci ame xespkerdene , tirkî zî hetê Hemşaredara Bajarê Pîlî yê Amedî Serra Bucak ra ameye wendene.

Eşkerayîye de ame vîrvîstene ke qeyûman xeylê Merkezê Paştdayîşê Cinîyan, Cayêmendişî yê Cinîyan, Xetê Alo Şîdetî qefilnayî û nê ameyî vatene: Bi hêrişê qeyûman têna cayî nêaeyî wertera wedaritene, eynî wextî verê xizmetanê neweyan ame girewtene. Çarçewaya xebatan de ma resayî 15 hezar cinîyan. Seba ke nê cayê ke ameyî qefilnayene seba ke ma newera abikerê ma mekanîzmayê têkoşînî xurtêr kerdî. Ma heme bajar û qezayan de derheqê heqanê cinîyan û têkoşînê verê şîdetî de perwerdeyî organîze kerdî. Ma sey şaredarîyanê DEM Partî bi kampanyayanê medyaya sanale,bilboardan û medyaya herêmî xebate xo dayî eşnawitene.

Xebatê ke ameyî kerdene

* Mehla, dewe, bajarek û dezgehanê pabesteyanê şaredarî de xebatê hayîdarîye ameyî kerdene.

* Mehla, dewe, bajarek û dezgehanê pabesteyanê şaredarî de xebatê atolyeyê xopawitişî ameyî organîzekerdene.

* Panelê  Têkoşînê Huqûqî û Polîtîkî yê vera şîdetê vera cinîyan ame kerdene.

* Çarçewaya têkoşînê vera şîdetê serê cinîyan de semedê afirnayîşê hayîdarîye mehla, bazar, AVM û dewan de xebatê warî ameyî kerdene û broşurî ameyî vilakerdene.

* Afîş, bilbord û afrinayîşê hayîdarîye ser o platformanê medyaya sanale de vîdeoyî ameyî parekerdene.

* Şaredarîya Bajarê Pîlî yê Wanî û şaredarîyanê qezayan Belgeyê Tewirê vera Şîdetî îmza kerd.

Dezgehê ke ameyî akerdene

* Şaredariya Bajarê Mezin a Amedê Navenda Lêkolîn û Sepanê ya Pirsgirêkên Jinan a Amedê (DÎKASUM) newera akerd.

* Navenda Piştgiriya Jinan a Peyasê û Pirtûkxaneya Xebatên Jinan a Peyasê ameyî akerdene.

* Pirtûkxane û Navenda Lêkolînê ya Xebatên Jinan a Wanê û Pirtûkxaneya Jinan a Avjenê ameyî akerdene.

* Navenda Piştevaniya Jinan a Çil Kezî, Navenda Jiyan û Piştevaniya Jinan a Sînemxan, Navenda Piştevaniya Jinan a Wêranşarê, Navenda Piştevaniya Jinan a Tetwanê, Navenda Piştevaniya Jinan a Agiriyê, Navenda Piştevaniya Jinan a Dayika Mekiye ameyî akerdene.

* Li navçeyên Wanê di çarçoveya kampanyayê de Navenda Jiyanê ya Jinan a Amargiyê, Navenda Jiyanê ya Jinan a Şamîranê, Navenda Jiyanê ya Jinan a Hebûnê, Navenda Jiyanê ya Jinan a Seravê û 11 Malên Bêhnvedanê yên Jinan ameyî akerdene.

* Xeta Piştgiriya Jinan a Şaredariya Bajarê Mezin a Wanê ame akerdene.

Têkoşînê cinîyan ke bi caardişê qeyûman ame birnayene nika her kuçe, her mehla û her dezgeh de newera zîl dano. Torra paştîdayîşî ke pîya ame muntene îdareyanê cayîyan de vengê cinîyan dana xurt do vejo. Xoverdayîşo kolektîf do bi girdbîyayîşî bingeyê cuyeya bêşîdetî pê bîyaro.Ma  do bi aktîvîteyanê 8ê Adare Roja Cinîyan ê Kedkaran dewam bikerê. Ma do yewna 8ê Adare de reyna vejîyê waran ke ma têkoşînê xo bi serewdaritişê xo girdêr kenê.  Ma roja 8ê Adare roja yewîye û paştdayîşî yê cinîyan ê dinya pîroz kenê.''