Koordînasyonê KJKyî bi wesîleya serrgêra Komployê Mîyanneteweyîyî yê 15ê Sibate eşkerayîye daye û nê vatî:

''Ma serrgêra Komployê Mîyanneteweyîyî yê 15ê Sibate de şehîdanê xo yê 'Şima nêeşkenê tîja ma tarî bikerî' bi hurmetî yad kenê û şexsê Rayber Apoyî de sere de şarê kurdî ma soz danê cinîyan û heme şaran ke ma do sîstemê qirkerdişî yê Îmraliyî werte ra wedarê û xîyalê şehîdanê xo bîyarê ca.

Ma zanê ke hêzanê modernîteya kapîtalîste bi nê komployî waşt şexsê Rayber Apoyî de têgêrayîşê azadîye û şarê kurdî biqedîno û qikerdişê şarî kurdî bêro temamkerdene. Seba ke têna felsefeya Rayber Apoyî verê plananê înan ê leyminan geno, komplo ame kerdene la Rayber Apo mîyanê sîstemê qirkerî yê Îmraliyî de zî paradîgmaya xo aver berde û cewabo tewr bimana da komplokaran. Ewro Rojawan de pîyaciwîyayîşê şaranê cîya cîyayan û îdareyo xosero ke her nasnameyê bi îradeyê xo tede ca geno,  mojneno ke no projê heme Rojhaletê Mîyanênî û dinya de eşkeno bêro caardene.

Cinîyê ke Kurdîstan û Rojhaletê Mîyanên de sey kole ciwîyayêne bi paradîgmaya Rayber Apoyî bîyî zanaye û şorişan rê serkêşîye kenê, cuye bi rengê cinîyan mûnenê.  Serkewtişê azadîye û estbîyayîşî yê şar û cinîyan ê kurdan bi rijnayîşê sîstemê qirkerdiş û îşkenceyî yê Îmraliyî mumkun o.

Na çarçewa de sere de cinî û ciwanî ganî şarê ma yo welatperwer û rayapêroyîya demokratîke  vajê 'hinî tehamulê ma nêmendo ke Rayber Apo yewna 15ê Sibat zereyê sîstemê qirkerdişî yê Îmraliyî de ravêrno' û têkoşînî xurtêr bikero. Ganî hewtî ra heta hewtayî her kes seba ke na roja tarî bikero roja roşne bixebito. Ganî semedê caardişê azadîya fîzîkîye ya Rayber Apoyî ma vejîyê waran ke o bieşko rolê xo kay bikero.''