Dêrsim de Platformê Kede û Demokrasî çarçewa 1ê Êlule Roja Haştîye ya Dinya de panelê b, nameyê 'Xêza Qewimîyayîşanê Rojdeman de Têkoşînê Haştîye û Demokrasî' ame kerdene.

de Serekwekîla HDPyî Merale Daniş Beştaş zî tewra panelî bîye.

Beştaşe vist vîrî ke Hezex de doman Mîhraç Mîroglu hetê panzerê leşkeran ra ame qetilkerdene û vat: ''6 serran de 123 domanî bi nê hawayî ameyî kiştene. La sûcdarî bêceza vera dîyayî. Vera kurdan polîtîkaya dişmenîye yena kerdene. Îqtîdarî semedo ke rayê ci kêmîyayî prosesê çareserîye herimna. Dêrsim de daristanî yenê vêşnayene, elewîyî maruzê cîyakerîye manenê û cinîyî yenê qetilkerdene. Heta ke haştîye nêra nê welatî demokrasî zî nêna û heta ke meseleya kurdan çareser nêba haştîye zî nêna.

'Gulîstan Doku kotî der a?'

Merale Daniş Beştaş panelî ra dima semedê Gulîstane Dokuya ke 609 rojî yo vînîbîyaye ya, Pirdê Dînarî de eşkerayîyêke daye. Hemserekê HDPyî yê Dêrsimî Nurşate Yeşîl û Îbrahîm Kasun, Hemşaredarê Pêrî Songule Dogan û Orhan Çelebî yê ke herinda înan de qeyûm ame tayînkerdene zî tewrê eşkerayîye bîyî.

Merale Daniş Beştaş pare kerd ke tehqîqatê serebûtî de xeylêk kêmîtî estê û vat: ''Dêrsim de her ca de kamerayî estê la cinîyêke nêna dîyene. Vanê ke kamerayê kampusî a roje nêxebitîyayêne. Key sûcdar bêro pawitene kamerayî nêxebitîyenê. Serebûtê Gulîstane Doku de hema kesêk zî nêame tepiştene. Ê do mejbûr ê ke Gulîstane Doku bivînê û do nêeşke a bidê vîrakerdene. Ma do tim bipersê ke 'Gulîstane doku kotî der a' ''