Şubeyê Dêrsimî yê Egitim Senî Kuçeyê Sanatî de eşkerayîyêke daye. Endamê Egitim Senî û HDPyî tewrê eşkerayîye bîyî. Serekê Egitim-Senî yê Dêrsimî Huseyîn Kasunî eşkerayîye wende. 

Kasunî pare kerd ke şaristan de tay dibistanî ameyî yewkerdene û semedê tadîlatî dersî salonanê sporî de yenê kerdene coka na rewşe rîskê janî zêdînena. Kasunî ard ziwan ke hûmara mamostayan qîm nêkena û ganî dewlete hişmendîya rantî ra fer vera bida zêdêr tayînan bikera. 

Kasunî nê waştişî pêşkêş kerdî: 

-Wextê dersan wa bibo 30 deqa 

-Personelê pakîye yê bikadroyî wa bêrê tayînkerdene. 

-100 hezar mamostayî wa bêrê tayînkerdene 

-Hewcedarîya resa, mendiş û werdî yê wendekaran wa bêrê peyda kerdene 

-Budçeya MEBî semedê weqfan nê semedê wendekaran wa bişuxilîya 

-Mewcûdê sinifan wa bêrê kêmkerdene.