Roniştişê dewaya Hemserekanê HDPyî yê Amedî Zeyyat Ceylan û Hulya Alokmen ê ke pê îdîaya 'endamî û propagandaya rêxistine' yenê muhakemekerdene Mehkemeya Cezaya Girane ya Amedî de ame kerdene.

Alokmene Zîndanê Xarpêtî ra pê rayîrê SEGBÎSî tewra roniştişî bîye. Ceylan tewrê roniştişî nêbi. Avûkatê hemserekan roniştiş de amade bîyî. 

Heyetê mehkeme pê waştişê yewkerdişê dosyayan û serkerdişê dosyayanê bînan, cigêrayîşê dosyayan roniştiş taloqê 20ê çeleyî kerd.