Dewijê Pêncewênî: Ma do erdê xo war nêverdê
Dewijanê herêma Pêncewênî ya Silêmanî vera hêrişanê Tirkîya nêrazîbîyayîşê xo mojna û pare kerd ke ê do erdê xo war nêverdê.
Dewleta tirke ya îşxalkere 2 rojî verî herêma Pêncewênî ya Silêmanî dabi bombayan ver. Roniştoxanê herême ANFyî rê qisey kerd.
Citkarê bi nameyê Hadî îfade kerd ke hêriş de o axpînê xo de bi û vat: ''Dewleta tirke çinkerdişê pêro kurdan armanc kena. Ma do ney qebul nêkerê. Ma do bi yew veng û tewirî verê hêrişan bigêrê. Ma do erdê xo war nêverdê.''
