Erdlerzê Xarpêtî ra dima Dêrsim de tay keyeyan xesar dî. Yeno waştene ke hemwelatîyê Dêrsimî werteyê zimistanî de keyeyanê xo ra vejê. Hemwelatîyan Musa Çatakçi û Elîfe Dogan derheqê mesele de qisey kerd.

Elîfe Dogan vat: ''Ez tik û têna ya, kokim a. Keyeyê mi de hende xesar zî çin o. Ma nêzanenê ke nê zimistanî de şorê kamca. Ma rê vanê 'Ma do keyeyê şima birijnê.' La cayêk zî nêdanê ma ke ma tede bimanê. Hamnan de înan ma rê çîyêk nêvat. Ma gêrenê keyeyêk la cayêko veng çin o.''

Musa Çatakçiyî vat: ''8 heywanê mi estê, ez pê nînan debarê xo kena. Nê zimistanî de ez senî şora cayê bînî. Na senî dewlet a, no senî edalet o? Seba ke tapuyê keyeyî nameyê kesê bînî ser o yo ê konteynir zî nêdanê ma. Ez keyeyî ra veja zî ez şina ça? Ma do çade bigêrê heqê xo? Mi dewleta winasêne nêdîye!''