Artêşa tirke ya îşxalkere 8ê hezîrane de warê Werxelê de operasyonêkê îşxalî dabi destpêkerdene û her roje vera gerîlayan gazê kîmyewî û jehrinî xebitnena. Artêşa tirke ya îşxalkere wexto ke gazo jehrîn eştêne tunelanê şerî yê Werxelê ser gerîlayan dîmenê hêrişî qeyd kerdî. Dîmenan de aseno ke dûmanê gazî mîyanê tunelan ra vejîyeno.

Artêşa tirke ya îşxalkere Werxelê de her roje derbanê giranan wena û nêzdîyê 2 mengan o nêeşkena nêzdîyê çeperanê gerîlayan biba. Artêşa tirke ya îşxalkere wazena pê teqaberan û gazê jenrînî debikewa tunelan. Nê hêrişî sûcê şerî yê. La semedê artêşa îşxalkere sûcêko qij o. Artêşa tirke ya îşxalkere menganê peyênan de tewr tay 100 reyî gazo jehrîn eşt tunelanê şerî yê Werxelê. La reyna zî nêeşkaye xoverdayîşê gerîlayan bişikna.

Gerîlayê ke hêrişê vera tunelan qeyd kerd pare kenê ke qet yew gaz nêmendo ke artêşa tirke vra tunelan nêşuxilnayo. Cayanê tunelan de texrîbato pîlo ke teqaberan kerdo aseno.