Erazîya şaredarîye ya qezaya Ebexî ya Wanî hetê qeyûmî ra 2017 ra verî seba 49 rojan dîyaye tarîqatê Menzîlî. Na erazîye ser o otêlêke virazîyena ke şirîkê ci şaredaro verên ê qezaya Belekî ya Antalya û wayîrê otêlanê temalî Mustafa Mecek, karmendê AKPyî Nazim Karakoç, qeyûmê Ebexî Şefîk Ensarî yê. Yeno vatene ke şirîko nimite yê otêle lajê Wezîrê Karanê Zereyî Suleyman Soyluyî Engîn Levent Soylu yo.

Qeyûm Şefîk Ensarîyî verî derheqê otêle de qisey kerdbi û dabi zanayene ke otêle do 50 doniman ser o bêra ronayene.

Çimeyê herêmî eşkera kenê ke nê kesî wazenê Ebexî bikerê merkezê rantî û vat: ''Çend serrî verî tarîqatê Menzîlî no erd kîra kerd. Şarê Ebexî rê vanê pêro kesî do otêle de bixebitê û debara xo bikerê. Şefîk Ensarîyî hema Wanî rê xebatêke nêkerda la bîyo wayrê serwetêkê pîlî.''