Qezaya Payîzava ya Wanî de ocaxê komirî yo ke di serrî verî amebi akerdene xoza û weşîya merdiman tehdît keno. Ocaxê komirî aîdê endamê AKPyî Veysel Urumî yo. 

Komir dima ke ocaxî ra yeno vetene awa Çemê Şamanisî de yeno şitene coka awa çemî bîya reş. Dewijan gerreyê ocaxî Wezîrîya Dorme û Şaristanîye rê kerd la muracatê înan ra netîce nêvejîyaye. Urum pêro kontrolan ra xo xelisneno.

1997 de dewa Şamanisî hetê dewlete ra amebî xalîkerdene. Dewijê bînî zî neçare mendbî ke ocaxê komirî ra koç bikerê. 

Dewijan derheqê babete de ajansê ma rê qisey kerd û vat: ''Ma muracatê her cayî kerd la goş nêdayo ma. Xozaya ma yena talankerdene û awa gemarine herikîyena. Ma do têkoşînê xo rê dewam bikerê la ganî rayaumûmîye paştî bida ma.''