DEM Partî derheqê programê ke do çarçewaya "Prosesê Haştîye û Komelê Demokratîkî" de Başûrê Kurdîstanî de bêro kerdene, nê vatî:

"Seke yeno zanayene ma kewtî merhaleyêka newî ya Prosesê Haştîye û Komelê Demokratîkî. Na çarçewe de Yeno pawitene ke rojanê verê ma de grûbêka endamanê PKKyî do Îdareyê Herêmî yê Kurdîstanî de bi aktîvîteyêke çarçeweya qeraranê kongre de game bierze

Partîya ma semedê seyrkerdişê na aktîvîte bi hûmara sînordare (kontenjanê 15-20) nuştoxê kuncikî dawet kerdî. Nuştox û temsîlkarê dezgehanê komelê sîvîlî û partîyanê sîyasîyan do bi organîzasyonê partîya ma Başûrê Kurdîstanî rê bêrê berdene.

Semedê kedkaranê çapemenîye yê bînan zî verê seyrkerdişê aktîvîte de astengêk çîn o. Na aktîvîteya ke bi zanayîşê îqtîdarî yena kerdene xebatkarê çapemenîye yê bînî eşkenê bi îmkananê xo seyr bikerê. Embazê rojnamegerê ke wazenê na aktîvîte seyr bikerê, seba ke wa tengayî meancê gerek nameyê xo bidê ma.  Rojnamegerê ke name,dezgeh ke tede xebityenê, kartê çapemenî, nimrê telefonî û adresê maîlê xo ma rê bişamê, zanayîşê înan semedê akreditasyonî selahîyetdaranê Îdareyê Herêma Kurdîstanî rê şawiyenê. Derheqê tarîx û organîzasyonê şîyayîşê aktîvîte de do peyra zanayîş bêro dayene."