Fermandaranê HPGyî ra Yaşar Çîyayî hêrişê îşxalî yê dewleta tirke yê vera Herêmanê Pawitişî yê Medya Gerîla TVyî rê ercnayî. Qiseykerdişê Çîyayî ra beşêk wina yo:

''4 mengî yo artêşa tirke ya îşxalkere hêrişê gerîlayan kena. Armancê dewleta tirke îşxalê Başûrî yo. Dewleta tirke kena ke binkewtişanê xo mîyan bikera. 4 mengî yo artêşa îşxalkere kena ke herême de aver şora la raştê xoverdayîşê gerîlayan ameya. Dewleta tirke kena ke pê cerganê kîrakerdeyan ser bikewa. Artêşa tirke 40 serrî yo vera gerîlayan bin kewena. Nika zî do bin bikewa.

Ganî şarê ma gerîlayan têna meverdo. Ganî ma pê şerê şorişgêrî yê şarî hetê gerîlayan de ca bigêrê. Kurdê ke xo rê vanê welatperwer wa  paştî bidê gerîlayan û vera AKP-MHPyî bêveng nêmanê. Ma venga ciwananê Kurdîstanî danê ke sey gerîlayan wezîfeyê xo bîyarê ca. Dewleta tirke û îqtîdarê AKP-MHPyî do hesabê qirkerdişanê xo bidê. Dewleta tirke serranê 90an de nêeşkaye ser bikewa nika qetî do nêeşka. Şerê şorişgêrî yê şarî û gerîlayan dewleta tirke panîk kerde.

Gerîlayê azadîye yê Kurdîstanî gerîlayê serkewtişî yê. Şar gerîla yo. Na raştî bi taybetî serranê peyênan de eşkera bîye. Coka dewleta tirke panîk kerd. Vera dewleta faşîste, vera îqtîdarê AKP-MHPyî ganî tewirê ma tûj bo. Ganî cuye Erdogan û Bahçelî rê bêra jehrînkerdene. Fedayîtî, milîtanîya şorişî na ya. Ciwan û şarê kurdî wayîrê nê wezîfeyî yo. Çîyêk çin o ke ma dewleta tirke ra bitersê. Ganî a ma ra biterse. Dewlete ha rijîyena.''