Remzîye Omer serra 1976î de şaristanê Dirbesîyê yê Rojawanê Kurdîstanî de dadîya xo ra bena. Serranê 90an de cuya azadîye ser o cigêrayîşê Berçeme dest pêkenê. Şehadetî bi taybetî şehadete Hevale Roza ci rê zaf tesîr kenê. Remzîye 1995 de tewra gerîlayan bena û nameyê xo kena Berçeme Armanc.

Şinasnayîşê Berçeme şinasnayîşê raştîya azadîye bi. Semedê azadîye têkoşînêko pîl lazim o. Gerîla Berçeme Armanc hertim xo qey şertanê zehmetan amade kerd. Aye tim waşt ke waranê tewr zahmetan de gerîlatîye bikera.

Berçeme semedo ke tewra şerê giranî yê Vakurê Kurdîstanî biba derbazê Botanî bîye. Aye Botan de xo aver berd, raştîya şerî, hêzê xo şinasnayî. Gerîla Berçeme 1996 de verê xo da Zagrosan û prosesê zehmetî ra dima 1998 de zî Xakûrkê de tewra şerî bîye.

Berçeme cuya azadîye rê mesajêko bêpeynî da. A her hele têkoşînê azadîye ard ca û averşîyayîş xo rê kerd esas. 3 serran ra dima gerîla Berçeme verê do da Qendîl. Aye ê warî de wezîfeyê fermandarîye zî girewt xo mil û reyna derbazê Zagrosan bîye.

Berçeme Armanc xeta azadîya cinîyan de xo kerd zelal û goreyê ney têgêraye. Cuya aye pê zor û zehmetîyan û têkoşînî derbaz bîye. A pê kede, fedakarî, embazî û çêrîya xo şinasîyayêne. Fermandare Berçeme Armanc 2010 de Zagorsan de netîceya pêkewtişêkê vera dişmenî de tewra karwanê şehîdan ê bêmergan bîye.