Gerîlayê HPGyî Şîyar Firmesk Amedî qala çalakîyêke kerde ke hezîrane de warê Werxelê yê Avaşînî de vera îşxalkeran amebî kerdene. Çalakîye de tewr tay 3 leşkerî kişîyabî û Gerîla TVyî dîmenê çalakîye weşanabî.

Amedî wina qala çalakîye kerde: ''Na çalakîye ra mengêke verî ma pê çekanê giranan ameyî Avaşîn. Wextı me şîyî çalakîye ma dî ke na herême de her çîyî mîyanê zehmetîye de yenê kerdene. Barê ma zaf giran bi, qasê 30 kîlo bi. Xora Zagros û Avaşînî  pê zehmetîyanê xo şinasîyeno.

Erzaqê ma, awa ma kêm bîyî. La ma çalakîya xo kerde. Wexto ke dîmenê yenê seyrkerdene  yeno vatene ke 'çalakîye zaf rind a.' La aya girînge amadekarîya çalakî ya. Ma pê bara girane 20 metreyan şîyî, neçare mendî ke nêm saete vinderê, dima reyna 100 metreyan şîyî saetêke vindertî. Rayîrê ma pêro kerrayîn bîyî. La ma çalakîya xo de qerardar bîyî. Çalakîya ma taybetbîye. Tunelanê şerî de semedê teslîmbîyayîş veng ameyêne dayene, gazê kîmyewî şuxilîyayî, vateyê ercanî yê sey 'bêrê ma awe bidê şima' ameyî kerdene. Ma na çalakîye sey cewabê vera ney kerde. Yanî ma cewab da vengdayîşê teslîmîyetî.

Hetê bînî ra ma na çalakîye semedî vîrameyîşê şerwanê erebî Canpolatî kerde.''