Merkezê Îrtîbatî û Çapemenîye yê HPGyî derheqê çalakîyanê gerîlayan û hêrişê artêşa tirke de eşkerayîye daye û nê pare kerdî:

''Dewa Dawanê ya qezaya Gîyadînî ya Agirî de hêzanê ma 13ê tebexe de bazê îstasyonî yê dewleta tirke îmha kerd. Roja bîne eynî herême de operasyon dîya destpêkerdene û saetanê şanî de destveng peyser ame antene.

Çarçewa Hemleya Şorişgêre ya Bazanê Zagrosî de 24ê êlule de Girê Şehîd Munzurî yê warê Memreşoyî yê herêma Avaşînî de îşxalkerî hetê hêzanê ma yê YJA Starî ra pê tifinganê giranan ameyî pirodayene. Netîceya çalakîye îşxalkerî ameyî cezakerdene la humara înan nêameye zelalkerdene.

Artêşa tirke 23ê êlule de pê madeyanê teqnayîşî Warê Xoverdayîşî yê Werxelê bombarduman kerd. 24ê êlule saetanê serê sibayî ra  hêrişê vera vera Waranê Xoverdayîşî dewam kenê .

23ê êlule de dewa Sergelê ya qezaya Amedîye pê teyarayanê şerî dîyaye bombayan ver. Eynî roje warê Mervanos, Tabûrê Ereban û Girê Silêmanî de têgêrayîşê helikopteran qewimîya û eynî saetan de warê Geliyê Basya, Qartal, Girê Silêman, Girê Şehîd Fıratî pê helîkopteranê hêrişî ameyî bombardumankerdene. Reyna dormeyê dewanê Kêste, Hirorê, Dêşîşê, Edînê, Seararû yê Kanîmasî  û warê Koordîne û Qela Qûmrîye pê helîkopteranê hêrişî û hetê qereqolanê sînorî ra pê obus û havanan dîyayî bombayan ver.''