Merkezê Îrtîbatî û Çapemenîye yê HPGyî derheqê çalakîyanê gerîlayan û hêrişê artêşa tirke de  eşkerayîye daye û nê pare kerdî:

Zap

''19ê êlule de Qela Bêdewê yê herêma Zapî de hêzanê ma pê çekanê giranan da îşxalkeran ro.Netîceya çalakîye de îşxalkerêk ame kiştene û mewzîyêke ameye îmhakerdene. 20ê êlule de Warê Xoverdayîşî yê Cîloya Bîçûke di rey ame bombardumankerdene. Badê hêrişî îşxalkeranê ke waşt ver bi Warê Xoverdayîşî aver şirê hetê hêzanê ma ra ameyî pirodayene û destûrê înan nêda.

Avaşîn

20ê êlule de  Qilê Silêmanî yê herêma Avaşînî de îşxalkerî hetê hêzanê ma ra ameyî pirodayene. Çalakîye de hedefî biîsabet ameyî pirodayene. Eynî roje Warê Xoverdayîşî yê Werxelê ame bombardumankerdene. Îşxalkeranê ke waşt badê hêrişî aver şirê hetê hêzanê ma ra pê çalakîya sabotajî ameyî pirodayene. Badê çalakîye îşxlakerî gamêke peyser ancîyayî.

Bombarduman

Bombardumananê vera Herêmanê Pawitişî yê Medya 20ê êlule de zî dewam kerd. Warê Mervanos, Tabûrê Ereban, Girê Sipî, Girê Sor û Girê Silêmanî de yê Avaşînî  û Xeta Qaşûra ya herêma Metîna de têgêrayîşê helikopteran qewimîya. Eynî wextî de Warê Dola Bizina, Qartal, Stûnê, Girê Şehîd Rizgar û Gerlîya Basya pê helîkopteranê hêrişî ameyî bombardumankerdene. Badê hêrişan erazî de şewat vejîya. Warê Kela Qûmrîyê, dormeyê dewanê Êdinê, Dêşîşê, Serar û Hirorê yê Kanî Masî pê obus û hawanan  û helîkopteranê hêrişî dîyayî bombayan ver. Dewa Hîrorê de sîvîlêk birîndar bi û bax bexçeyanê şarî zirar dî. 19ê êlule de zî warê Çemçoyî yê Herêma Zapî  hetê qereqolanê sînorî ra dîya bombayan ver.''