Şaredarîya Stewrî ya Mêrdînî 1ê adara 2016î de amebî xespkerdene û herinda hemşaredarî de qeyûm amebi tayînkerdene. Derheqê hemşaredaro verên ê DBPyî Mehmet Aydin Alokmenî de zî dewa amebî akerdene. Roniştişê bire yê dewa Mehkemeya Cezaya Girane ya 2. ya Mêrdînî de ame kerdene. Alokmeno ke bi hawayêkê nêtepişteyî ameyêne hukmkerdene tewrê roniştişî nêbi.

Heyetê mehkeme dozgerîye ra waşt ke vînayîşê xo eşkera bikera. Dozgerîye zî merasîmê cenazeyanê ke Alokmen tewrê ci bibi, rayraşîyayîş, îfadeyê şahîdanê nimitkîyan, endamîya Alokmenî ya KCDyî û parekerdişê medyaya komelkî bahane kerdî û bi îdîaya ''endamîya rêxistine'' û ''propagandaya rêxistine'' waşt ke Alokmen bêro cezakerdene.

Heyetê mehkeme bi îdîaya ''endamîya rêxistine''  cezaya 7 serr û 6 mengan û bi îdîaya ''propagandaya rêxistine'' zî cezaya 2 serr û 7 meng û 22 rojan daye.