Hêrişê artêşa tirke ya îşxalkere dewam kenê
HPGyî pare kerd ke hêrişê artêşa tirke ya îşxalkere yê vera warê Werxelê yê Herêmanê Pawitişî yê Medya dewam kenê û Kanî Masî de sivîlêk netîceya bombardumanê îşxalkeran de bi giranî birîndar bi.
Merkezê Îrtîbatî û Çapemenîye yê HPGyî derheqê hêrişanê dewleta tirke ya îşxalkere de tay agahîyî dayî. Eşkerayîye wina ya:
''Warê Xoverdayîşî yê Werxelê yê Avaşînî de;
25ê êlule de artêşa tirke ya îşxalkere pê çekanê giranan û teqaberan Warê Xoverdayîşî yê Werxelê da bombayan ver. Heman roje herêma Avaşînê de waranê Girê Silêman, Girê Sor, Girê Spî, Mervanos, Tabûra Ereban, Banista de têgêrayîşê helîkopteran qewimîya û Girê Şehîd Rizgar, Girê Şehîd Întîkam û Mamreşo dîyayî bombayan ver.
24ê êlule de bajarekê Kanî Masî yê qezaya Amedîyê de dormeyê dewanê Edînê û Serûrê pê obus û hawanan dîyayî bombayan ver. Netîceya bombardumanî de zeraro madî resa bax û baxçeyanê şarê Başûrî ser û şar neçare mend ke dewanê xo biterkno.
25ê êlule de herêman Metîna de xeta Qaşûra ser o helîkopterî gêrîyî. Warê Koordîne, Qela Qumriyê, Kêste, Girê Şehîd Çiya, Dola Derarê û baxçeyê dewa Êdinê dîyayî bombayan ver. 25ê êlule ra heta 26ê êlule erazîyê Hirorê, Kêste û Qela Qumriyê yê Kanî Masî dîyayî bombayan ver û bombarduman de zerar resa malanê şarî ser.
Netîceya nê hêrişanê namerdan ê artêşa îşxalkere de dewa Hirorî ra sivîlêk bi giranî birîndar bi.
25ê êlule de warê Çemçoyî yê herêma Zapî pê obus û hawanan dîya bombayan ver.''
