Goreyê xebera Rojnewsî bînşewe teyarayanê şerî yê dewleta tirke koyanê herêma Zêbarî ya Akrê ya Dihokî ser o bombayî varnayî. Bombarduman de pêşmergeyê bi nameyê Seîd Hebîb Sîranî yo ke dewa Dûdî ya bajarekê Dînartê ya Akrê ra yo şehîd bi û pêşmergeyêkê bi nameyê Nizar Hecî Şeaban zî birîndar bi.

Goreyê heman çimeyan ame zanayene ke hemwelatîyê herême heta saete 04:00 gêrayî cenazeya pêşmergeyî. Hemwelatîyan dima ke cenaze dîye pêşmergeyo birîndar z3i berd nêweşxane. Pêşmergeyo şehîd ame definkerdene.

Nê rojan de teyareyê şerî yê artêşa tirke ya îşxalkere hêrişê herêmanê Başûrê Kurdîstanî kenê. Netîceyê nê hêrişan de heta nika bi seyan sivîlî merdî û birîndar bîyî. Hukmatê Başûrê Kurdîstanî heta nika vera nê hêrişan tewirêko cidî nêmojna.