Merkezê Îrtîbatî û Çapemenîye yê HPGyî bîlançoya şerî ya menga peyêne eşkera kerde. Goreyê na bîlanço 85 îşxalkerî ameyî cezakerdene, 19 îşxalkerî ameyî birîndarkerdene. 7 gerîlayê HPGyî zî şehîd bîyî.

Eşkerayîya HPGyî wina ya:

''23ê nîsana 2021î de dewleta tirke ya faşîste vera Zap, Avaşîn û Metîna operasyonê îşxalî da destpêkerdene. Operasyon 120 rojî yo dewam keno. Gerîlayan pê Hemleyanê Şorişgêran ê Cengê Xabûrî û Bazanê Zagrosî cewab da hêrişanê îşxalkeran. Gerîlayanê Azadîye pê xoverdayîşê bêmabênî yê 122 rojan tarîxê şaran de rîpelêko newe akerd, taktîkê dewrê neweyî ardî ca û reyna mojna ke têkoşînê ma yo rûmetên do bi serfîrazî netîce bibo.

Îradeyo ke wextê Destanê Garê de astêka berze de amebi temsîlkerdene Mamreşo de vurîya tradîsyonêkî û ewro waranê Werxelê û Girê Sorî de menga 4. de serfîrazî mujde keno. Çalakîyê bitesîr û hîrayî yê vera hêrişanê artêşa tirke ya îşxalkere yê serê Başûrê Kurdîstanî prosesêk aver benê ke gerîlayî çarçewa nê prosesî de nêverdenê îşxalkerî nefes bigêrê û derbanê giranan danê înan ro.

Dewleta tirke ya faşîste pê hêrişanê xo yê îşxalî û kolonyalîstan wazena astengê verê xo Têkoşînê Azadîye yê Kurdîstanî tasfîye bikera. Gerîlayê ke raştîya 'Kurdîstanê azadî û kurdan ê azadan' ê Rayber Apoyî mîyanê cuya xo de mojnenê, vera nê hêrişanê îmha xoverdayîşêkê tarîxî kenê.  Hêzanê ma no xoverdayîşo ke Mam Reşo de dest pêkerd pê taktîkanê zengînan Merwanos, Cîloyê Biçûkî, Zendûra de bihêzêr kerd. Xoverdayîşê 120 rojan de îşxalkerî verê gerîlayan de bêçare mendî. No xoverdayîş bi nîşaneya tewirê qerardarî yê gerîlayan o ke rayîr nêdanê îşxalkeran. Dewleta tirke ya îşxalkere pê gerîlayan nêeşkena, eqsê ci derbanê pîlan wena, muarcatê kerdişanê bêexlaqan kena û sûcanê şerî kena. Îşxalkeran çend reyî gazê jehrînî û kîmyewî vera waranê xoverdayîşî xebitnayî. Xêrê tedbîranê gerîlayan ra artêşa îşxalkere nêeşkena armancanê xo bîyara ca. Xoverdayîşê bêmabênî yê gerîlayan li Avaşîn, Zap, Metîna, Heftanîn û Xakurkê de artêşa tirke ya îşxalkere vist mîyanê binkewtişê pîlî.

Xoverdayîşê tarîxî yê 4 mengan ê gerîlayan xo newe ra aferna û bi profesyonel, serkewtişê ruhê Hemleya 15ê Tebaxe nîşan da. Têkoşînê ma yê azadîye zî pê gamêka bîne nêzdîyê serkewtişî kerd. Çarçewa hemleyanê şorişgêran de hêzanê ma yê YJA-Starî cepheyê verênî de ca girewt û xeylêk çalakîyê serkewteyî kerdî. Rolê rayberîye yê nasnameyê cinîyan ê azadan o ke Rayber Apoyî aferna çarçewa hemleyanê şorişgêran de bi xurtî tesîrê şerî kerd.

Xoverdayîşê tarîxî yê 122 rojan o ke gerîlayî pê ruhê fedayî Zap, Avaşîn, Metîna, Heftanîn û Xakurkê de kenê mojna pêro dinya ke Gerîlayê Azadîye yê Kurdîstanî vera pêro hêrişanê serê şar û erdê ma xo ver danê û ê wayîrê ê hezî yê ke eşkenê Rayberê azadî, welatê azadî bîyarê ca.

Bîlançoya şerê mengane yê Hemleyanê Şorişgêran ê Cengê Xabûrî û Bazanê Zagrosî wina yê:

Çalakîyê hêzanê ma:

-10 çalakiyê gerîla yê koordîneyî

-13 çalakîyê pirodayîşê derbe

-7 çalakîyê suîkastî

-13 çalakîyê sabotajî

-15 çalakîyê bi çekanê giranan

-Çalakîyêka sereştişî

- Çalakîyêka hêrişî

- Bi temamî 60 çalakîyê gerîlayan ameyî kerdene

Netîceya çalakîyanê hêzanê ma de;

-85 îşxalkerî ameyî cezakerdene.

-19 îşxalkerî birîndar bîyî.

Embazê ma yê ke şehîd bîyî;

-7 embazê ma şehîd bîyî

Hêrişê ke hetê artêşa tirke ya îşxalkere ra ameyî kerdene;

-Artêşa tirke ya îşxalkere verê xoverdayîşê gerîlayan de derbanê giranan wena û nêeşkena netîce bigêra, hewa û erdî ra her roje Herêmanê Pawitişî yê Medya dana bombayan ver.

-65 reyî gazê jehrînî û kîmyewî şuxilîyayî.

Wesayîtê dişmenî yê ke hêzanê ma derb kerdî;

-2 wesayîtê leşkerî

-6 helîkopterê hêrişî

Malzemeyê leşkerî yê ke hêzanê ma îmha kerdî;

-2 wesayîtê leşkerî yê zirxînî yê bi tîpê Kîrpî

- Çekêka bombaeştişî û çeperê ci

- Çekêka A4î û çeperê ci

-2 droneyî

-7 kamerayê mobese

Malzemeyê leşkerî yê ke hêzanê ma dest na ser;

-Çekêka BKCyî

-Droneyêk

-20 kîlo teqaberî"