Merkezê Îrtîbatî û Çapemenîye yê HPGyî derheqê çalakîyanê gerîlayan û hêrişê artêşa tirke yê ke 17ê êlule de ameyî kerdene de eşkerayîye daye û nê vatî:

Hemleya Şorişgêra ya Bazanê Zagrosî

''Warê Girê Silêmanî yê Avaşînî de hêzanê ma vera îşxalkeran çalakîya sabotajî kerde. Netîceya na çalakîya serkewtîye de 2 îşxalkerî ameyî cezakerdene, helîkopterêk ame derbkerdene.

Hemleya Şorişgerê ya Cengê Xabûrî

Warê Hirorê û  Kêste yê Metîna de helîkopteranê ke waşt bombarduman bikerê  hetê hêzanê ma yê YJA Starî ra di hetan ra ameyî pirodayene. Çalakîye de helîkopterekî derb girewt û herême ra kewt durî.

Warê Xoverdayîşî yê Werxelê yê Avaşînî

Îşxalkeranê ke Warê Xoverdayîşî bi çekanê giranan bombarduman kerd dima ra waşt aver şirê. Xoverdayoxanê Werxelê destûrê înan nêda. Mabênê îşxalkeran û xoverdayoxan de pêkewtişê giranî qewimîyayî. Îşxalkerî rixmê heme teknîkê  û îmkananê xo nêeşkena aver şirê.

Bombardumanî

Warê Kafya yê Garê  û warê Karkerî û Saca yê Zapî pê teyarayanê şerî, dormeyê dewanê Dêşîşê, Êdinê, Hirorê û Serarû yê Kanî Masî yê Amedîye û warê Koordîne yê Metîna pê helîkopteranê hêrişî û obus û havananê qereqolanê sînorî ameyî bombardumankerdene.''