Merkezê Îrtîbatî yû Çapemenîye yê HPGyî da zanayene ke artêşa tirke Başûrê Kurdîstanî de bi hawayêkê sîstematîkî sivîlan qetil kena û vat îşxalkeran 26-27ê  çeleyî de dewa Çemşerîtke û Koyê Zêbarî yê qezaya Akre ya Duhokî yo ke Başûrê Kurdîstanî de yo ser o bombayî varnayî.

Eşkerayîye de nê ameyî parekerdene: ''Artêşa tirk a îşxalkere bi wesayîtanê hewayî yê bêmerdiman hêrişê vera sivîlan koordîne kerd û bizanayîş û hewayêkê sîtematîkî Başûrê Kurdîstanî de hêrişê sivîlan kerd. Netîceyê hêrişî de sivîlo bi nameyê Seid Hebib Sirani şehîd kewt û Nizar Haci Şeban bi giranî birîndar bîyo. Dewleta tirk a ke wazena temamê Başûrê Kurdîstanî îîxal bikero, semedê naye planan kena û leteyêke ney zî hêrişê vera sivîlan o. Coka bi heme hêzê xo  hêrişê sivîlan kenê. Cayê ke sivîlî tede ciwîyene bi zanayîşî yenê pirodayene.

Kesê ke yenê qetilkerdene bi serran o nê herran de ciwîyene û gama ke şiyêne botananê xo ameyî prodayene. Dewleta faşîst a ke her ca de wazena kurdan qir bikero nê hêrişanê xo rê gerîlayanê azadîye sey bahane ramojnena ke hêrişanê xo bikero meşru. Cayê ke hêrişî bîyî têgêrayîşê gerîlayê ma çîn o. Wa no bêro zanayene ke ma sey Hêzê Pawitişê Şarê Kurdîstanî ma do derbeya girde bidê îşxlakeran ro û qesasê nê hemwelatijanê xo yê sivîlanê ke înan qetil kerdî bigerê. Ma do hesabê naye bipersê. Na çerçewe de ma keyeyê Seid Hebib Siranî rê seweşîye wazenê û hemwelatijê xo yê birîndarî rê zî  şifa wezenê.''