HPG di gerîlayê ke şehîd bîyî yad kerdî
HPGyî di gerîlayê şehîdî yad kerdî û vat: ''Ma sere de keyeyanê ercîyayeyan ê embazanê ma Mervan û Serhildanî rê pêro şarê welatperwerî yê Kurdîstanî rê serweşîye wazenê.''
Merkezê Îrtîbatî û Çapemenîye yê HPGyî nasnameyê di gerîlayanê ke şehîd bîyî eşkera kerdî. Eşkerayîye wina ya:
''Embazê ma Mervan pê kesayetê xo yê Apogîrî û kedkarî Têkoşînê Azadîye yê Kurdîstanî de wezîfeyê xo yê rayberî ardî ca û 19ê êlula 2015î de Eyaletê Amedî de bombardumanê artêşa tirke ya îşxalkere de şehîd bi. Ma embaz Mervan serrgêra şehadetê ci de bi rêzdarî yad kenê.
Nasnameyê embazê ma yê şehîdî wina yo:
|
|
Nameyê Qodî: Mervan Geresor Name û Peyname: Mehmet Altunterun Cayê Bîyayîşî: Amed Maye-Pî: Fatma – Mehmet Tahîr Tarîx û Cayê Şehadetî: 19ê Êlula 2015î / Amed |
Embaz Mervan Amed de dadîya xo ra bîyo. Ey ciwanîya xo de bire daye ke vera faşîzmê dewleta tirke encax pê tebervejîyayîşê sîstemê ci têkoşîn mumkîn o û no zî pê beşdarîya PKKyî mumkîn o. Embaz Mervan bi nê hawayî tewrê gerîlayan bi. Embaz mervan wextêkê kilmî de bi gerîlayêko marîfetin û tim peyê xîretê averberdişê xo de bi. Ey tim xîret kerd ke kesayetê xo pê felsefeya Rayberîye aver bero û na felsefe fam bikero. Embaz Mervan pê na hişmendîye tim wayîrê wezîfe û mesuldarîyanê xo vejîya. Ey tim têkoşîn û qesasê şehîdan, xeta şehîdan xo rê kerdî esas û tim kerd ke bibo layîqê şehîdan.
25ê êlula 2015î de warê Adil Begî yê Avaşînî de bombardumanê artêşa tirke ya qirkere de embazê ma Serhildan şehîd bi. Ma serrgêra şehadetê ci de bi rêzdarî embaz Serhildan yad kenê.
Nasnameyê embazê ma yê şehîdî wina yo:
|
|
Nameyê Qodî: Serhildan Serêçiya Name û Peyname: Îlhamî Aydemîr Cayê Bîyayîşî: Mûş Maye-Pî: Çîgdeme – Cindî Tarîx û Cayê Şehadetî: 25ê Êlula 2015î / Avaşîn |
Embazê ma Serhildan Mûş de dadîya xo ra bîyo. Embaz Serhildanî dima ke îdeolojîya PKKyî şinasnaye û hêrsê ci yê vera dewlete zêdîya bire daye ke tewrê gerîlayan bibo. Embaz Serhildan pê durustî û jîhatîya xo ca de cuya koyan musa. Ey roja beşdarîya bi gerîlayan sey newe ra bîyayîşî pênase kerde û tim xîret kerd ke felsefeya Rayber Apoyî ser o xo aver bero. Bi nê hawayî bawerîya ey zêdîyaye û pê hesîya ke roje bi roje azad beno. Embaz Serhildan hende cuya xo şer de zî fedakar û kedkar bi. Ey tim xîret kerd ke teknîkê leşkerî bimuso û warê şerî de hîna aktîf bibo. Nê esasî ser o ey tim xo aver berd.
Embaz Serhildan û Mervanî pê embazîya xo ya germine zerrîya pêro embazanê xo de rêçêk verda. Ma sere de keyeyanê ercîyayeyan ê embazanê ma Mervan û Serhildanî rê pêro şarê welatperwerî yê Kurdîstanî rê serweşîye wazenê.''
