Merkezê Îrtîbatî û Çapemenîye yê HPGyî da zanayene ke fermandaranê Gabarî ra Diljîne Marya Dêrsim 23ê tebaxe de şehîde bîye.

Eşkerayîye de nê ammeyî vatene:

23ê tebexa 2021î de warê Şehîd Aramî yê herêma Gabarî yê Şirnexî de netîceya bombardumanî de fermandaranê herêma Gabarî ra Diljîne Marya Dêrsim tewrê kerwanê şehîdan bîye.

Nasnameyê embaza ma  ya şehîde  wina yo:

Nameyê Qodî: Diljîne Marya Dêrsim Name û Peyname: Sanîye Toprak Cayê Bîyayîşî: Sêrt Maye-Pî: Latîfe - Mustafa Tarîx û Cayê Şehadetî:  23ê Tebaxa 2021î / Gabar

Embaza ma Diljîne keyeyêko welatperwer ê Sêrtî de ameya dinya  û bi tradîsyonê welatperwerîye bîya pîle. Rîyê polîtîkaya hêrişkare ya dewleta tirke ke keyeyê ci mecbur mendo ke şiro Îstanbul. Hemraya ma Diljîna ke domanîya xo ra eleqeya ci Têgêrayîşê Azadîye yê Kurdîstanî rê estbî, tim her ca de teqîp kerde û bado ke metropalan de zî rîyê dewleta îşxalkere nêzdî ra dîye 1999 de Dêrsim de tewrê sefanê gerîlayan bîye. Cade xo resna, bîye gerîlayêka serkewtîye. Bi serran sere de  Dêrsim, Qendîl, Zap, Metîna û xeylêk waran de gerîlatîye kerde. Demo kilm de bîye fermandarêke û çalakîyan rê serkêşîye kerde. Hemraya ma Diljîne pê îdeolojîya azadîye ya cinîyan bîye mîlîtanêka nimûne ya PAJKî. Sey fermandarêka pîle bi tecrubeyê xo xeylêk fermandar û şervanî perwerde kerdî. Bi mîsyon û berpirsîyarîya pîle agêreye herra xo û herêma Gabarî de çalakîyanê bitesîran de sey fermandare ca girewt.

Ma keyeyê erjayeyî yê hemraya xo Diljîne, şarê  Botanî û şarê weletperwerî yê Kurdîstanî rê serweşîye wazenê û reyna soz danê ke ma do  têkoşînê şehîdan biresnê serkewtişî''