Merkezê Îrtîbatî û Çapemenîye yê HPGyî (HPG-BÎM) pare kerd ke gerîlayî Canfeda û Çiyager bombardumanê dewleta tirke ya îşxalkere de Garê de şehîd bîyî. Eşkerayîya HPGyî wina ya:

''13ê tebaxa 2021î de bombardumananê artêşa tirke ya îşxalkere yê vera Garê de embazê ma Canfeda û Çiyager şehîd bîyî.

Nasnameyê wird şehîdan wina yê:

Nameyê Qodî: Canfeda Welat Name û Peyname: Abdullah Hamo Cayê Bîyayîşî: Kobanê Maye-Pî: Naîle – Salih Tarîx û Cayê Şehadetî: 13ê Tebaxa 2021î / Garê

Nameyê Qodî: Çiyager Kahraman Name û Peyname: Halil Mamo Cayê Bîyayîşî: Afrîn Maye-Pî: Ayşe – Hanon Tarîx û Cayê Şehadetî: 13ê Tebaxa 2021î / Garê

Embazê ma Canfeda Kobanê de dadîya xo ra bîyo. O ciwanîya xo de vera hêrişanê cergan tewrê têkoşînî bi. Serfîrazîya Kobanê ra dima embaz Canfedayî verê xo da koyanê Kurdîstanî. Embaz Canfedayî xîret kerd ke felsefeya Rayberîye û embazîya partîye kesayetê xo de yew bikero. Embaz Canfeda rixmê ciwanîya xo tim bi gerîlayêko mîsal. Embaz Canfedayî bêmabên karanê têkoşînî de ca girewt û o pê moral û hêzê xo bi çimeyê embazanê xo. Embaz Canfeda rayîrê serfîrazîye de tim do verê ma roşnî bikero.

Embaz Çiyager Haleb de dadîya xo ra bîyo. Embaz Çiyager wextê Şorişê Rojawanî de pê tesîrê ci tewrê têkoşînî bi. Şorişê Rojawanî ra dima ey verê xo da koyanê azadan ê Kurdîstanî. Embaz Çiyagerî tewrê Rayberîye xo rê kerd esas û bêteredut tewrê têkoşînî bi. Embaz Çiyagerî tewr vernî de çalakîyan de ca girewt, semedê azadîya şarê ma xîret kerd û xo rê serkewtiş kerd hedef. Embaz Çîyager bi mazharê rêz û heskerdişê embazanê xo. Embaz Çiyager pê ruhê xo yê milîtanî do tim verê têkoşînê ma roşnî bikero.

Ma sere de keyeyanê ci yê ercîyayeyan rê şarê Rojawanî rê, şarê welatperwerî yê Kurdîstanî rê serweşîye wazenê. Ma soz danê ke wezîfeyê serkewtişî yê şehîdanê ma qetî do bîyarê ca.''