Merkezê Îrtîbatî û Çapemenîye yê HPGyî derheqê hêrişanê îşxalî û çalakîyanê gerîlayan de eşkerayîyêke daye.

Eşkerayîye wina ya:

''Çarçewa Hemleya Şorişgêre ya Cengê Xabûrî de herêma Heftanînî de;

8ê teşrîna peyêne de qerajanê Girê Hêlizî yê Gelîya Pisaxa de vera kepçeyê îşxalkeranê ke waştêne semedê îşxalî rayîrî virazê pê taktîkê sabotajî çalakîyêke ameye kerdene. Çalakîye de 1 kepçe ame îmhakerdene, operatorê ci zî ame cezakerdene.

Ma eşkerayîya xo ya 2ê teşrîna peyêne de dabi eşnawitene ke 30ê teşrîna verêne de çalakîya Heftanînî de ke tede 6 îşxalkerî ameybî cezakerdene embazêkê ma birîndar bîyo. Embazê ma Çekdarî wextê çalakîye de vera îşxalkeran bi fedayîtî derbê giranî dayî û bi giranî birîndar bi. Embaz Numanî embaz Çekdar warê pêkewtişî ra vet. Dima pêkewtişanê giranan de embaz Çekdar û Numanî heta guleyê xo yê peyênî vera îşxalkeran şer kerd û şehîd bîyî. Nê embazanê ma çalakîya serkewte de rolê pîlî ardî ca û kerd ke pê ruhê milîtanî yê Apogîrî serkewtiş bêro destvistene.

Nasnameyê embazanê ma yê şehîdan wina yê:

Nameyê Qodî: Çekdar Zîlan Name û Peyname: Burhanettîn Tasman Cayê Bîyayîşî: Mêrdîn Maye-Pî: Gulîstane – Selahattîn Tarîx û Cayê Şehadetî: 30ê Teşrîna Verêne ya 2021î / Heftanîn

Nameyê Qodî: Numan Amed Name û Peyname: Saîd Ozturk Cayê Bîyayîşî: Amed Maye-Pî: Gulê – Ramazan Tarîx û Cayê Şehadetî: 30ê Teşrîna Verêne ya 2021î / Heftanîn

Embaz Çekdar Mêrdîn de dadîya xo ra bîyo. Embaz Çekdarî wextê zanîngehî de xebatanê ciwanan de ca girewt û 2014 de zî tewrê gerîlayan bi. Embaz Çekdarî 7 serran Heftanîn de gerîlatîye kerde. Embaz Çekdarî tim xo rê serkewtiş esas girewt û wextêkê kilmî de o bi fermandarêko marîfetîn. Ey xeylêk çalakîyanê serkewteyan de rayberîye kerde. Çalakîya xo ya peyêne de zî rixmo ke birîndar bi heta peyênî şer kerd û vera dişmenî xo ver da. Embaz Çekdarî ruhê gerîlatîya moderne tim mojna embazanê xo. O do tim têkoşînê ma de bêro vîrardene.

Embaz Numan Amed de dadîya xo ra bîyo. Embaz Numan vera hêrişanê dişmenî serra 2014î de tewra gerîlayan bîyo. Embaz Numanî xeylêk waran de gerîlatîye kerde û wextê hêrişanê giranan de Heftanîn de têkoşîn kerd. Ey tim xeta têkoşînê Rayberîye xo rê kerde esas. Embaz Çekdarî peyê xo de mîrasêko pîl verda. Embaz Numanî çalakîya Heftanînî de rolêko pîl girewt xo ser, xeylêk îşxalkerî ceza kerdî. Ey wextê çalakîye de embazê xo yo birîndar Çekdar têna nêverda, mewzî ra vet û dima zî heta peyênî vera îşxalkeran şer kerd. Ruho fedayî yê embaz Numanî tim têkoşînê ma de biciwîyo.

Embaz Çekdar û Numanî derbo tewr giran ê nê dewrî da dişmenî ro û tarîxê xoverdayîşê ma de ca girewt. Sere de keyeyanê înan ê ercîyayeyan rê ma pêro şarê welatperwerî yê Kurdîstanî rê serweşîye wazenê.''