Merkezê Îrtîbatî û Çapemenîye yê HPGyî derheqê çalakîyanê gerîlayan û  hêrişê artêşa tirke de zanayîş da.

Eşkerayîya HPGyî wina ya:

''Çarçewa Hemleya Şorişgêre ya Cengê Xabûrî de herêma Heftanînî;

23ê tebaxe de warê Girê Kato Sûlê yê Bektorya de gerîlayanê ma yê YJA Starî di hetan ra da îşxalkeran ro. Na çalakîya serkewtî de 5 îşxalkerî û 2 kontrayî ameyî cezakerdene û çekêka bombaeştişî û mewzîyêke ameyî îmhakerdene.

Çarçewa Hemleya Şorişgêre ya Bazanê Zagrosî de;

23ê tebaxe de helîkopteranê hêrişî ke waşt waranê Banista , Tabûrê Ereban û Tîpa Tyî bombarduman bikerê hetê hêzanê ma ra ameyî hedefgirewtene. Helîkopteranê ke badê mudaxaleyêê hêzanê ma derbî werdî mecbur mendî ke peyser agêrê.

Warê xoverdayîşî yê Girê Sorî û Werxelê yê Avaşînî;

23ê tebaxe de îşxalkerê ke ver bi Warê Xoverdayîşî yê Girê Sorî şiyînî hetê hêzanê ma ra ameyî hedefgirewtene. Badê mudaxaleyê xoverdayoxanê Girê Sorî îşxalkerî destveng peyser agêrayî. Saetanê şanî de warê xoverdayîşî bi madeyanê teqayîşî ameyî bombardumankerdene. Eynî roje vera Warê Xoverdayîşî yê Werxelê gazê kîmyewî ameyî şuxulnayene û saetanê şanî de zî pê çekanê giranan û madeyanê teqayîşî ameyî bombardumankerdene. Îşxalkeranê ke waşt  aver şirê hetê xoverdayoxanê Werxelê ra ameyî açarnayene. Serê waranê xoverdayîşî de gêrayîşê droneyan dewam keno.

23ê tebaxe de xeta Qaşûra ya Metîna de têgêrayîşê helîkopteran qewimîya. Eynî roje dormeyê dewanê Kêste, Hirorê û Seraru, Deşîşê û Êdinê yê Kanî Masî yê Amedîye û warê Koordîne, Derarê û Kela Qûmrîyê pê helîkopteranê hêrişî û obus û hawananê ke qereqolanê sînorî ra ameyî eştene ra ameyî bombardumankerdene.

Eynî roje Avaşîn de warê Mervanos, Tabûrê Ereban, Girê Sor, Girê Spî û Girê Silêmanî de têgêrayîşê helîkopteran qewimîya û warê Girê Şehîd Rizgar, Dola Bizina û Girê Kartalî pê helîkopteranê hêrişî ameyî bombardumankerdene. Şewato ke erazî de vejîya dewam keno.''