Merkezê Îrtîbatî û Çapemenîye yê HPGyî derheqê şehadetê gerîlayêkî de eşkerayîye daye û nê pare kerdî:

''Artêşa tirke ya îşxalkere 8ê êlula 2021î de warê Ellê yê Şirnexî de operasyonêko hîra da destpêkerdene.  9ê êlule de hêzanê ma vera îşxalkeran çalakîye kerde. Çalakîye de 3 tîmê taybetî ameyî kiştene. Na çalakîye de hemraye ma Zal Şengalî ke heta nefesê xo yê peyênî bi hewayêkê fedayîyî şer kerd, tewrê kerwanê şehîdan bi.''

Nasnameyê embazê ma yê şehîdî wina yo:

Nameyê Qodî: Zal Şengal Gabar

Name û Peyname: Hamit Yazan

Cayê Bîyayîşî: Wan

Maye-Pî: Gulşene - Faysay

Tarîx û Cayê Şehadetî: 9ê Êlula 2021î / Şirnex

HPGyî derheqê gerîlayê şehîdî de nê pare kerdî: ''Hemrayê Zal Şengalo ke merkezê xoverdayîşî yê Serhedî Wan de ameyo dinya keyeyêko welatper de bi tradîsyonê têkoşînî bîyo pîl. Dima ke partîya ma nas kerd  demo kilm de heqîqetê Rayber Apoyî û PKKyî fehm kerd û 2014 de tewrê sefanê gerîlayan bîyo. 3 serrî warê Botanî de gerîlatîye kerde û tîya pîya xeylêk embazanê xo yê sînayeyan mendo û înan ra hemrayîye musayo. Reyna xeylêk çalakîyanê tarîxîyan ê Botanî rê serkêşîye kerde. Rixmo ke nê çalakîyan de birîndar bi çirey têkoşînî ra xo peyser nêant, zafêr şi dişmenî ser. Wextêk semedê tedawî Başûr de mendo û tîya zî bîyo wayîrê pratîkê serkewteyî. Bado ke Başûr de perwerdeyê leşkerî û îdeolojîkî zî dî sey fermandarêkî agêra Botanî ke tim xeyalê ci kerdêne. Tîya xeylêk çalakîyan de aktîf ca girewt û derbeyê pîlî dayî dişmenî ro. Tewr peynî de warê Elkê de  seba ke embazanê xo warê şerî ra weş û war vejo teber,  wexto derg dişmenî reyde bi hewayêkê qehremankî şer kerd û tewrê kerwanê şehîdan bi.

Ma sere de keyeyê erjayeyî yê hemrayê xo Zal Şingalî û heme şarê welatperwerî yê Wan û Kurdîstanî rê serweşîye wazenê.''