Merkezê Îrtîbatî û Çapemenîye yê HPGyî derheqê çalakîyanê gerîlayan û hêrişê artêşa tirke de bi eşkerayîyêke zanayîş da.

Eşkerayîya HGPyî wina ya:

Warê Xoverdayîşî yê Girê Sorî yê Avaşînî

''Vera hêrişê îşxalî yê dewleta tirke  yo ke 23ê nîsane de dîya destpêkerdene Gerîlayê Azadîye yê Kurdîstanî xoverdayîşo tarîxî danê. Artêşa îşxalkera ke rixmê şuxulnayîşê heme metodanê leyminan vera gerîlayan nêeşkena ser bikewo sûcanê şerî rê dewam kena. Artêşa tirke 3ê êlule de warê Girê Sorî vera hemrayanê ke bi îradeyê Apoyî û ruhê xoverdayîşî şer kenê çekê kîmyewîyî şuxulnayî. Netîceya nê hêrişê bêehleqî de 3 şervanê azadîye şehîd bîyî. Nasnameyê hemrayanê ma yê  qehremaman do peyra bêrê parekerdene.

Warê Xoverdayîşî yê Werxelê yê Avaşînî

14ê êlule de îxalkeranê ke waşt ver bi Warê Xoverdayîşî yê Werxelê aver şirê hetê hêzanê ma ra gerîyayî binê teqîbî. Îşxalkerî eynî roje di hetan ra bi hewayêkê bitesîrî ameyî pirodayene. Çalakîya ke îşxalkerî dormeyê mewzîyan de bi taktîkê sabotajî û mesafeyo nêzdî ra pê bombayanê destî û çekanê ferdîyan ameyî pirodayene de 3 îşxalkerî ameyî cezakerdene. Eynî roje saetanê şewe de Warê Xoverdayîşî yê Werxelê pê gazanê kîmyewîyan û çekanê girana ame bombardumankerdene.

Artêşa tirke Zap de leşkerêkê xo kişt

10ê êlule de warê Şamkê yê herêma Zapî de grûbêka îşxalkeran hetê hêzanê ma ra gerîyaye binê kontrolî. Grûbe ferq kerd ke dormeyê ci ameyo girewtene.  Nayî ser o leşkerêkî seba ke teslîm bibo fîrar kerd û waşt bêro cayê ma. Hêzanê ma waşt şirê ey bixelisnê la îşxalkeran leşker hedef girewt. Tîya hemrayêkê ma birîndar bi. Artêşa tirke warê leşkerî pê obusan bombavaran kerd û leşkerî dinyaya xo bedilnaye. Embazê ma şîyî cenazaya ey ser û tesbît kerd ke no leşker pîyadeyo pêkerde Sezaî Gungor o.

Bombarduman

14ê êlule de dewa Rênçbiraxa ya herêma Zapî hetê qereqolanê sînorî ra pê obusan ameye bombardumankerdene. Reyna xeta Qaşûra ya herêma Metîna de têgêrayîşê helîkopteran qewimîya. Eynî roje dormeyê dewanê Êdinê, Dêşîşê, Kêste, Hirorê Dêrarê û Serarû yê Kanî Masî yê Amedîye û Girê Şehîd Çîya, Qêla Qûmriyê û warê Koordîne pê helîkopteranê hêrişî ameyî ameyî bombardumankerdene. Reyna  waranê Mervanos, Tabûrê Ereban, Girê Sipî, Girê Sor û Girê Silêmanî yê Avaşînî de têgêrayîşê teyarayan qewimîya û Werxelê û warê Gelîya Basya pê helikopteranê hêrişî ameyî bombardumankerdene.''