Merkezê Îrtîbatî û Çapemenîye yê HPGyî bi eşkerayîyêke nasnameyê 5 gerîlayanê ke Garzan de şehîd bîyî eşkera kerdî.

Eşkerayîya HPGyî wina ya:

''Hêzanê ma yê ke herêma Garzanî de darbeyê pîlî dayî dişmenî ro vera înan bi tewrbîyayîşê kontrayan operasyonê hîrayî ameyî kerdene.  Hêzanê ma vera hêzanê operasyonî zî çalakîyê bitesîrî kerdî û derbeyê pîlî dayî înan ro. Tarîxanê cîya cîyayan ê menga hezîrane de pêkewtiş û bombardumanan de hemrayê ma Ferzat, Dijwar, Êriş, Sîdar û Tahsîn tewrê kerwanê şehîdan bîyî.

Nasnameyê embazanê ma yê şehîdan wina yê:

Nameyê Qodî: Ferzat Sedar Name û Peyname: Cahît Coşkun Cayê Bîyayîşî: Bedlîs Maye-Pî: Gulere - Cemîl Tarîx û Cayê Şehadetî: 22ê Hezîrana 2021î / Garzan

 

Nameyê Qodî: Dijwar Hezex Name û Peyname: Serdar Asan Cayê Bîyayîşî: Şirnex Maye-Pî: Hawa - Abdullhalim Tarîx û Cayê Şehadetî: 1ê Hezîrana 2021î / Garzan

 

Nameyê Qodî: Êriş Garzan Name û Peyname: Hîkmet Gezîcî Cayê Bîyayîşî: Wan Maye-Pî:  Kadriye- Menan Tarîx û Cayê Şehadetî: 1ê Hezîrana 2021î / Garzan

 

Nameyê Qodî: Sîdar Amed Name û Peyname:  Saît Yaman Cayê Bîyayîşî: Amed Maye-Pî: Zelîha - Mehmet Tarîx û Cayê Şehadetî: 4ê Hezîrana 2021î / Garzan

 

Nameyê Qodî: Tahsîn Agîd Name û Peyname: Harun Yilmaz Cayê Bîyayîşî: Bedlîs Maye-Pî: Gulsune - Faris Tarîx û Cayê Şehadetî: 4ê Hezîrana 2021î / Garzan

 

 

 

 

 

 

Hemrayê ma Ferzat keyeyêko welatperwer ê Tetwanî de dadîya xo ra bîyo û rîyê zextanê dewlete ra metropolan de bîyo pîl. Hemrayê me seba ke paştî bido keyeyê xo xeylêk karanê cîya cîyayan de xebityayo. Dima ke pê hesîya ke dewlete senî cehd kena ciwanan qoqê ci ra raqilno agêrayo Kurdîstan. Hemrayê  ma Ferzatî ke waşt tarîx û kulturê xo nêzdî ra nas bikero Têkoşînê Azadîye yê Kurdîstanî teqîp kerd. Vera sîyasetê îmhayî ke vera şarê kurdî yeno rayraberdene bêveng nêmed û tewrê sefanê gerîlayan bi ke tim xeyalê ci bi. Sey gerîlayê hunermendî hetêkî ra zî şîîre nuştene. Hemrayê ma Ferzato ke sey fermandarêkî agêra herra xo, heta nefesê xo yê peyênî têkoşîno pîl da.

Hemrayê ma Dijwaro ke Şirnex de dadîya xo ra bîyo bi tradîsyonê welatperwerîye bîyo pîl. Zextê dişmenî ver keyeyê ci şîyo Îstanbul. Hemrayê ma ke xebatanê ciwanîye de ca girewt hetê şarî ra zaf ameyêne heskerdene. Netîceya xebata xo ya serkewtî de 2012 de ameyo tepiştene. Bado ke zîndanî ra vejîyayo ver xo dayo koyanê azadan. Xeylêk waranê cîya cîyayan de gerîlatîye kerda û demo kilm de bîyoi fermandar. Hemrayê ma Dijwaro ke gerîlatîye de bi pîspor waşt tecrubeyê xo bikirişo Vakûrê Kurdîstanî  û 2020 de şîyo Vakur. Tîya heme wezîfeyê xo biserewktiş ardî ca.

Hemrayê Êrîş Wan de dadîya xo ra bîyo keyeyêko Têkoşînê Azadîye yê Kurdîstanî de gerîlayî û ci estê û bedelî dayî de bîyo pîl.  Seranê unîversîte de felsefeya Rayber Apoyî holêr fehm kerde û vera polîtîkayan îmha û înkarî verê xo dayo sefanê gerîlayan. Hemrayê ma Garzano ke herêma Garzanî de tewrê sefanê gerîlayan bi heta şehadetê xo Garzan de gerîlatîye kerde û  helanê tewr tengan de zî sey mîlîtanê Apoyî tewiro zelal ramojna û tim sefanê verênan ê çalakîyan de cayê xo girewt.

Hemrayê ma Sîdar keyeyêko welatperwer ê Amedî de dadîya xo ra bîyo û Têkoşînê Azadîye yê Kurdîstanî nêzdî ra nas kerdo û binê tesîrê ci de mendo.  2015 de gama ke DAÎŞî hêrişê Kobanê kerd qerarê tewrbîyayîşî girewto. Roja tewrbîyayîşî ra nata tim cehdkerdêne ke bibo gerîlayo serkewte û semedê nayî tewrê perwedeyanê îdeolojîkan bi  û her hetî ra xo resna û sey gerîlayêkê serkewteyî wezîfeyê biserkewtiş ardî ca.

Hemrayê ma Tahsîn keyeyêko welatperwer ê Xîzanî de ameyo dinya û bîyo pîl. Seba ke dewleta tirke netîceya polîkayanê bêmerdimkerdişê Kurdîstanî de dewa ci vêşnaye pîya bi keyeyê xo mecbur mendî ke şiro Îstanbul. Seranê unîversîte de xebatanê ciwanîye de aktîf ca girewto. 2014 de seba ke cebab bido herêşanê ke vera Şorişê Azadîye yê Rojawanî ameyêne kerdene tewrê sefanê gerîlayan bîyo. Pê tecrubeyê bi serran ê gerîlatîye agêrayo herra xo ya bimbarek ê Garzanî û tîya derbeyê pîlî dayî dişmenî ro.

Ma keyeyanê erjîyayeyan ê şehîdanê xo Ferzat, Dijwar, Êrîş, Sîdar û Tahsînî rê û heme şarê welatperwerî yê Kurdîstanî rê serweşîye wazenê û  soz danê ke ma do xeyalanê embazanê xo yê Rayberîya Azade û Kurdîstanê Azadî bîyarê ca.''