Merkezê Îrtîbatî û Çapemenîye yê HPGyî pê eşkerayîyêke gerîla Hasan Subaşı (Eyup Dîgor) yad kerd ke 3ê êlula 2018î de şehîd bi.

Eşkerayîye wina ya:

''Ma embazê xo Eyüp bi rêzdarî yad kenê ke 3ê êlula 2021î de bombardûmanê dewleta tirke de şehîd bi.

Nasnameyê embaz Eyupî wina yo:

Nameyê Qodî: Eyup Dîgor Name û Peyname: Hasan Sûbaşi Cayê Bîyayîşî: Dîgor Maye-Pî: Nesîme-Îbrahîm Tarîx û Cayê Şehadetî: 3ê Êlula 2021î /Herêmê Pawitişî yê Medya

Embazê ma Eyup 1974 de Dîgor de dadîya xo ra bîyo. Tedaya dewlete ra keyeyê ey koçê metropolanê Tirkîya kerd. Embaz Eyupî bîre daye ke têkoşîn ra ber rayîrêk çin o coka mabênê 1996-2000 de bi hawayêkê aktîfî tewrê ERNK (Cepheyê Xelisnayîşê Kurdîstanî) bi.

Embaz Eyupî derbê giranî dayî dişmenî ro û na taybetmendîya xo pêro çalakîyan de mojnaye. O dima pê meseleyanê embazanê xo yê zîndanan û welatperweran de eleqedar bi. 2001 de ey verê xo da koyan û bi gerîla.

Dima ke Qendîl, Zap, Xakurkê û Behdînan de wezîfe kerd bi fermandar,derbazê Zagrosan bi. O bi fedakarî, kedkarî û moralê xo yê berzî, bi perwerîya xo ya bi şehîdan, şar û erjê partîya xo ma rê bi mîsal.

Ey tim erjê PKKyî xo rê kerdî esas û bi serran bi nê hawayî Zagrosan de fermandarîye kerde.

Sere de keyeyê ci yê ercîyayeyî rê ma pêro şarê welatperwerî yê Kurdîstanî rê serweşîye wazenê. Semedê yadkerdişê embaz Eyupî ma soz danê ke têkoşînê qesasê şehîdan ma do ser bivisnê.''