Merkezê Îrtîbatî û Çapemenîye yê HPGyî bi eşkerayîyêke nasnameyê 4 şehîdan eşkera kerdî.

Eşkerayîya HPGyî wina ya:

''Çarçewaya Hemleya Şorişgêre ya Bazanê Zagrosî de derbeyê pîlî dîyayî artêşa tirke ro û planê îşxal û qirkerdişî yê dişmenî reyna pûç ameyî vetene. Hemrayê ma Bawer, Agir, Atakan û Welat ê ke herêma Zapî de pê xoverdayîşê xo destanê qehremanîye nuştî û wezîfeyê xo yê serkêşîye serkewte ardî ca tarîxanê cîya cîyayan de tewrê kerwanê şehîdan bîyî.

Nasnameyê hemrayanê ma yê ke şehîd bîyî wina yê:

Nameyê Qodî: Bawer Botan Name û Peyname: Hasan Ozmen Cayê Bîyayîşî: Sêrt Maye-Pî: Hatîce-Şemsettîn Tarîx û Cayê Şehadetî: 7ê Gulana 2021î / Zap

Nameyê Qodî: Agir Tolhildan Name û Peyname: Nûzad Mûhammed Reşat Cayê Bîyayîşî: Hesekê Maye-Pî: Gulnaze-Muhammed Tarîx û Cayê Şehadetî: 7ê Gulana 2021î / Zap

Nameyê Qodî: Atakan Konya Name û Peyname: Haci Aydin Cayê Bîyayîşî: Şirnex Maye-Pî: Cemîle-Husamettîn Tarîx û Cayê Şehadetî: 25ê Gulana 2021î / Zap

Nameyê Qodî: Welat Rizgar Name û Peyname: Vedat Yokûş Cayê Bîyayîşî: Êlih Maye-Pî: Sabîha-Mehmet Zekî Tarîx û Cayê Şehadetî:3ê Êlula 2021î / Zap

Hemrayê ma Bawer Botan Sêrt de ameyo dinya û warêko welatperer de bîyo pîl. Serranê 90yan de rîyê  hêrişê dewlata tirke yê vera Kurdîstanî ra keyeyê ci mecbur mendo ke şiro metropolan. Keyeyê hemrayê ma Bawerî her ca de tim rengê xo bewlî kerdo û çirey milê xo çewt nêkerdo. Hemrayê ma Bawerî sey ciwanêkê  seredernayoxî Adana de tewrê xebatanê ciwanan bîyo. Rixmo ke xeylêk rey ameyo tepiştene çirey verê zextan de çok nêdayo û 2015 de tewrê sefanê Gerîlayanê Azadîye yê Kurdîstanî bîyo. Hemrayê ma Bawerî ke Zap de dest pê gerîlatîye kerde bado keda pîle daye û game zixmî eştî bîyo fermandarêko Apoyî. Şerê 6 serranê peyêna de rolo aktîf kay kerdo û Hemleya Şorişgêre ya Bazanê Zagorsî de sey fermandarêkî ca girewto û pîya bi hemrayê ma Agirî 6-7ê gulane de pêkewtişê û bombardumanê warê Herfa Tyî de bi hewayêkê qehremankî şer kerd û şehîd bîyo.

Hemrayê ma Agir bajarê Hesekê yê Rojawanê Kurdîstanî de ameyo dinya û bi ruhê welatperwerîye bîyo pîl. Hemrayê ma Agiro ke hêrişê dewletanê îşxalkeran û xayînîya cayîyî yê vera şarê kurdî dîyî qerar girwto ke semedê dewaya azadîye ya kurdan têkoşîn bikero. 2018 de verê xo dayo koyanê Kurdîstanî û tewrê sefanê PKKyî bîyo. Bado ke xo her hetî resna û bi gerîlayêko serkewte verî Behdînan de dima ra herêma Zapî de pratîk de ca girewt. 6-7ê gulane de pêkewtişê û bombardumanê warê Herfa Tyî de bi hewayêkê qehremankî şer kerd û şehîd bîyo.

Hemrayê ma Atakan Konya qezaya Silopî ya Şirnexî de ameyo dinya û keyeyêko welatper de bîyo pîl û Ksrektero xoverdayox ê Botanî xo de afernayo. Vera polîtîkaya asîmîlasyon û qirkerdişî ya ke bitaybetî vera şarê Botanî yena rayraberdene  2013 de tewrê sefanê gerîlayan bîyo. Bado ke 2 serrî herêma Botanî de pratîk rayra berd seba ke şarê Şingalî DAÎŞî ra bixelisno verê xo dayo Şîngalî û 2 serrî cuwa pê şîyo Herêmanê Pawitişî yê Medya. Tîya tewrê perwerdeyanê leşkerî û îdeolojî bîyo û xo aver berdo. Dima ra Hemleya Şorişgêre ya Bazanê Zagorsî de cayê xo girewto bîyo mîlîtanêko serkêş ê hemle.

Hermrayê ma Welat keyeyêko welatperwer ê Êlihî de ameyo dinya û bîyo pîl.  Domanîya xo ra hêrişê dewleta tirke yê vera kurdan nêzdî ra dîyî.  Seba ke şar û welatê xo bipaweo 2013 de tewrê sefanê gerîlayan bîyo. Roja tewrbîyayîşî ra nata heme waranê Zagrosî de pratîk rayra berd û rixmê pratîkê waranê zehmetan perwerdeyî ra peyde nêmendo. Hemrayê ma Welato ke ke sey gerîlayêkê serkewteyî vera operasyonê dewleta tirke çalakîyan rê serkeşîye kerde heme wezîfeyê xo biserkewtiş ardî ca.

Ma keyeyanê erjayeyan ê hemrayanê xo Bawer, Agir, Atakan û Welatî û heme şarê welatperwerî yê Kurdîstanî rê serweşîye wazenê.''