Merkezê Îrtîbatî û Çapemenîye yê HPGyî (HPG-BÎM) nasnameyê 3 gerîlayan eşkera kerdî. Eşkerayîye wina ya:

''17ê gulane û 3ê tebaxe de artêşa tirke ya îşxalkere warê Herekol û Gabarî yê herêma Botanî dayî bombayan ver. Nê bombardumanan de domanê çêrî yê şarê ma, embazê ma yê çêrî Agîd, Adîl û Munzur şehîd bîyî. Nasnameyê embazanê ma yê şehîdan wina yê:

Nameyê Qodî: Agîd Timok Name û Peyname: Kahraman Sunar Cayê Bîyayîşî: Êlih Maye-Pî: Fatma – Bedrettîn Tarîx û Cayê Şehadetî: 11ê Gulana 2021î /Gabar

Nameyê Qodî: Adil Botan Name û Peyname: Metîn Tetîk Cayê Bîyayîşî: Şirnex Maye-Pî: Nebahate – Îdrîs Tarîx û Cayê Şehadetî: 3ê Tebaxa 2021î / Herekol

Nameyê Qodî: Munzur Serhat Çirav Name û Peyname: Serhat Esen Cayê Bîyayîşî: Sêrt Maye-Pî: Hakîme – Ahmet Tarîx û Cayê Şehadetî: 3ê Tebaxa 2021î / Herekol

Embazê ma Agîd Êlih de dadîya xo ra bîyo. Ey cigêrayîşanê xo ra dima bire daye ke cuya azade û têdûşte pê têkoşînê felsefeya Rayber Apoyî mumkîn a coka tewrê gerîlayan bi. Embaz Agîdî giranîye daye perwerdeyê leşkerî û îdeolojîkî ser. Embaz Agîdî tim wezîfeyê xo ardî ca û mesuldarîya xo ya vera şarî zanaye. Embaz Agîdî bawer kerd ke pê esasgirewtişê terzê Rayberîye hem şarê kurdî hem zî Rayberîye benê azad. Ey heta nefesê xo yê peyênî milîtanîya Apogîre ra tawîz nêda. O pê embazîya xo ya samîmî û huyayîşê xo tim hetê embazanê xo ra bêro yadkerdene.

Embaz Adîl Cizîre de dadîya xo ra bîyo. Wexto ke DAÎŞî hêrişê Kobanê kerd embaz Adîl semedo ke şarê ma bipawo tewrê gerîlayan bi. Embaz Adîlî perwerdeyanê esasan ra dima raştîya xo hîna hol fam kerde û bawerîya xo ya qey azadîya şarî aver berde. Embaz Adîlî Botan de tim waşt ke zulmê dewlete yê vera xoverdayîşê xoîdarekerdişî ra qesasê şarê xo dişmenî ra bigêro. O 2020 de warê Herekolî de bi hawayêkê aktîfî tewrê xeylêk çalakîyan bi û dişmenî rê kîni nefret û hêrsê xo mojnayî. Embaz Adîlî pê bêtersîya xo bi temsîlkarê xeta gerîlatîya newîye.

Embaz Munzur Sêrt de dadîya xo ra bîyo. Embaz Munzurî sey pêro ciwananê kurdan qetî polîtîkaya asîmîlasyonî û qirkerdişî ya dewlete qebul nêkerd coka 2015 de tewrê gerîlayan bi. Embaz Munzurî gerîlatîya xo de ssemedo ke felsefeya Rayberîye hîna hol fam bikero tim cigêrayîşî kerdî, wend û cigêrayîşê xo embazanê xo reyde pare kerdî.  Ey semedê pawitişê şarê xo tim xîret kerd ke Vakurê Kurdîstanî de pratîkan bikero. Dima semedê çinkerdişê polîtîkaya qirkerdişî o Başûrî ra derbazê herêma Botanî bi. Embaz Munzurî çalakîyan de hertim wezîfe û mesuldarîyê xo ardî ca.

Herêma Botanî tim mîyanê têkoşînî de rolê xo bi temamî ardî ca. Gerîlayanê Azadîya Kurdîstanî tim nê warî de derbê giranî dayî dişmenî ro. No xoverdayîş bêşik xêrê şehîdanê ma ra bi. Embazanê ma Adîl, Munzur û Agîdî zî nê xoverdayîşê tarîxî de cayê xo girewt. Ma sere de keyeyanê ercîyayeyan ê şehîdanê xo rê pêro şarê welatperwerî yê Kurdîstanî rê serweşîye wazenê.''