Merkezê Îrtîbatî û Çapemenîye yê HPGyî (HPG-BÎM) gerîla Serdar Pîr Avestayo ke hezîrane de Xakûrkê de bombardumanê artêşa tirke ya îşxalkere de şehîd bibi yad kerd. Eşkerayîya HPGyî wina ya:

''22ê hezîrana 2021î de warê Kelaşînî yê Xakûrkê de bombardumanê artêşa tirke ya îşxalkere de embazê ma Serdar Pîr Avesta şehîd bi.

Nasnameyê embazê ma wina yo: 

Nameyê Qodî: Serdar Pîr Avesta Name û Peyname: Hakan Ateş Cayê Bîyayîşî: Wan Maye-Pî: Gultene – Mugdat Tarîx û Cayê Şehadetî: 22ê hezîrana 2021î / Xakûrkê

Embaz Serdar keyeyêkê welatperwerî de dadîya xo ra bîyo û hema ke qij bi ey partîya ma PKK şinasnaye. Ey serranê zanîngehî de vera asîmîlasyon û qirkerdişî xebatê aktîfî kerdî. O 2014 de wextê hêrişanê DAÎŞî de pê birêka radîkale tewrê gerîlayan bi.

Embaz Serdarî felsefe û îdeolojîya Rayberîye de xorinbîyayîş xo rê kerd esas û wextêkê kilmî de kesayetê xo de vurîyayîşê pîlî mojnayî. Embaz Serdarî waranê gerîlayan de xeylêk wezîfeyî ardî ca, pêro mesuldarîyê xo bêkêmasî kerdî. Embaz Serdarî pê performansê xo yê xoverdayîşî û terzê xo çalakîyan de derbê giranî dayî dişmenî ro. Emba Serdarî pê jîhatî û qerardarî alaya şehîdanê ma yê çêran kirişte û heta peyêne rayîrê şehîdanê ma yê çêran ser o şi.

Ma reyna anê ziwan ke do alaya ke embaz Serdarî dewrê ma kerda pê heman qerardarî î jîhatî bikirişê. Ma sere de keyeyê ey ê ercîyayeyî rê pêro şarê welatperwerî yê Kurdîstanî rê serweşîye wazenê.''