Merkezê Îrtîbatî û Çapemenîye yê HPGyî 3 gerîlayê ke 2015 de Heftanîn de şehîd bîyî yad kerdî.

Eşkerayîya HPGyî wina ya:

''Dewleta tirke ya qirkera ke vera Têkoşînê Azadîye yê Kurdîstanî de bin kewta, semedo ke nê binkewtişê xo binimno û telafî bikero serra 2015î ra nata dest pê hêrişêkê giranî kerd. Sîstemo qirker pê rayîrê nê hêrişan wazeno hêvîyanê azadîye yê şarê ma çin bikero û têgêrayîşê ma, şarê ma bin bikero. Bera nê hêrişanê dişmenî Gerîlayanê Azadîye yê Kurdîstanî pê mesuldarîya tarîxî dest pê xoverdayîşêkê destanwarî kerd. Nê prosesê xoverdayîşê destanwarî de embazê ma Têkoşer, Dilbirîn û Rizgarî bi çêrî şer kerd û şehîd bîyî.

Nasnameyê embazanê ma yê şehîdan wina yê:

Nameyê Qodî: Têkoşer Wan Name û Peyname: Ferhat Uzumcuoglu Cayê Bîyayîşî: Wan Maye-Pî: Gulsume-Cemîl Tarîx û Cayê Şehadetî: 21ê Tebaxa 2015î /Heftanîn

Nameyê Qodî: Dilbirîn Colemêrg Name û Peyname: Ercan Gulseven Cayê Bîyayîşî: Colemêrg Maye-Pî: Songule-Ramazan Tarîx û Cayê Şehadetî: 21ê Tebaxa 2015î /Heftanîn

Nameyê Qodî: Rizgar Agir Name û Peyname: Cuneyt Baran Cayê Bîyayîşî: Agirî Maye-Pî: Kiyafet-Mevlut Tarîx û Cayê Şehadetî: 21ê Tebaxa 2015î /Heftanîn

Embazê ma Têkoşer Wan-Erdîş de dadîya xo ra bîyo û o vera tecrîdkerdişê Rayberîye tewrê gerîlayan bi. Embaz Têkoşer wextêkê kilmî de gerîlatîye musa û xo aver berd. Embaz Têkoşerî hertim waşt ke warê leşkerîye de têkoşîn bikero. O pê kesayetê xo yê kedkar û zerrînizî bi mîsalê embazanê xo û bi fermandarêko bêmerg ê Heftanînî.

Embaz Dilbirîn Colemêrg de dadîya xo ra bîyo û 2013 de tewrê gerîlayan bi. Ey xesarê sîstemê kapîtalîstî bi hawayêkê raştikênî analîz kerd û goreyê felsefeya Rayberîye têgêra. Embazê ma Dilbirîn semedê pawitişê krîteranê cuya newîye têkoşîn kerd û pêro wezîfeyê xo ardî ca. Ey xeylêk waranê Heftanînî de gerîlatîye kerd û pê tewirê xo yê bidîsîplînî bi gerîlayêko mîsal.

Embaz Rizgar Agirî de dadîya xo ra bi. Ey wexto ke zanîngeh wendêne karê ciwanan kerdî û kewt binê tesîrê felsefeya Rayberîye. Pê nê tesîrî zî embaz Rizgar tewrê gerîlayan bi. Koyan de tewr zaf embazîya PKKyî tesîrê ey kerd coka ey tim xîret kerd ke pêro krîteranê partî bîyaro ca. O pê taybetmendîya xo ya kedkarî, parekerdişî û tabîbîyayîşî bi mazharê heskerdişê embazanê xo.

Embazê ma Têkoşer, Dilbirîn û Rizgarî vera her hêrişê dişmenî yê vera merdimîye, semedê azadîya welatê ma Kurdîstan bedenê xo da çeper û nê oxirî de resayî şehadetî. Sere de keyeyanê înan ê ercîyayeyan rê ma pêro şarê Kurdîstanî rê serweşîye wazenê. Ma sozê xo dibare kenê ke têkoşînê şehîdanê xo yê çêran qetî bi serkewtişî tacîdar bikerê.''