Cinîye û mêrde Hurmuze û Şîmonî Dîrîl ê ke dewa Mehrî ya qezaya Bêşebabî ya Şirnexî de ciwîyayêne 11ê çeleyî ra nata vînbîyaye yê. Yeno şikkerdene ke Hurmuze û Şîmonî Dîrîl ameyî remnayene. Xebatê cigêrayîşê semedê şert û mercanê hewayî ra ameyî vindarnayene.

Derheqê serebûtî de hetê Serdozgerîya Komare ya Bêşebabî ra dosyaya tehqîqatî ameye akerdene la dosya ser o bira nimite esta. Derheqê serebûtî de heta nika têna îfadeyê lajanê keyeyî Bedrî û keşîşê Dêrê Keldanîyan Remzî Dîrîlî û îfadeyê Epro Dîrîlî ameyî girewtene.

Keşîş Remzî Dîrîlî biqesawet o ke dadî û babîyê ci ameyî remnayene. Dîrîlî vat: "23 rojan ra nata xeberêke çin a. Hema zanayîşêk yan zî teyîtêk zî çin ê.''

 Dîrîlî venga şarî kerd ke ganî hîsger bibo û vat: ''Kamo ke dadî û babîyê mi remnayî wa înan verabidê. Ma selahîyetdaran reyde têkilîye kenê. Semedo ke vewre varaye cigêrayîşî vindertî."