Konseya Rayberdişî ya KCKyî bi wesîleya serrgêra Hemleya 2. ya ''Tecrîd, Îşxal û Faşîzmî rê bes o; Wext Wextê Azadîye yo'' eşkerayîyêka nuştekîye daye.

Eşkerayîye wina ya:

''Hemleya ma 'Tecrîd, Îşxal û Faşîzmî rê bes o; Wext Wextê Azadîye yo' serra xo ya yewine kerde de ke ma 12ê êlula 2020î de dabî destpêkerdene. Na hemle 12ê êlula 2020î de pê ruhê Xoverdayîşê 14ê Temmuze de de ê prosesî de ke îqtîdaro faşîst ê AKP-MHPyî vera Rayberîye tecrîd û şerê taybetî ano ca, îşxalan keno hîra û vera şarî tedayanê giranan ano ca dîyaye destpêkerdene. Na hemle Hemleya 'Qirkerdişê cinîyan rê ney, wextê wextê pawitişê komel û cinîya azadîye yo' ya KJKyî reyde bîye yew, bihêzêr bîye û têkoşînê giranî yê serrêke reyde îqtîdaro faşîst ê AKPyî ard verê rijîyayîşî.

Serra 2020î de faşîzmê AKP-MHPyî semedo ke şarê kurdî û hêzanê demokrasî ser bikero hêrişê xo zêdînayî, Sûrîye, Iraq, Lîbya, Dengizê Sipî de kerd ke dewletanê herême bigêro binê hegemonyaya xo, hêzanê mîyanneteweyîyan rê pê şantajî bi zorî hegemonyaya xo ferz kerde. Înan semedo ke hegemonyaya xo bidê qebulkerdene Rojawan û Sûrîye îşxal kerdî, hêrişê Herêmanê Pawitişî yê Medya û Iraqî kerd, cergî şawitî Lîbya, Azerbaycan verda Armenîstan ser. Armanco esas ê nê hêrişan o bi ke giranîya xo ya sîyasî û hêzê xo bizêdînê, Têgêrayîşê Azadîye yê Kurdîstanî tasfîye bikerê û qirkerdişê kurdan temam bikerê. Xora dewleta tirke pêro polîtîkayanê xo yê teber û zereyî goreyê nê armancî virazena.

Ma prosesêkê winasênî de Hemleya 'Tecrîd, Îşxal û Faşîzmî rê bes o; Wext Wextê Azadîye yo' daye destpêkerdene. Eke merdim biewno na serra verêne ya hemle vîneno ke hemle destkewteyê pîlî xo reyde ardî. Nê hetî ra ma şehîdanê prosesê hemle bi minetî yad kenê, kes keso ke keda daye hemle selam kenê.

Na hemleya ma Kurdîstan, Tirkîya û Rojhelatê Mîyanênî de vera faşîzmê AKP-MHPyî îtîfaqo fîîlî yê şaran û hêzanê demokrasî û cepheyê têkoşînî vet werte. No qewimîyayîşêko pîl o le hemleya ma afernayo. 14ê êlula 2020î de çarçewa hemleya bi pê ruhê 14ê Temmuze ma vera faşîzmê AKP-MHPyî dewrêko newe yê têkoşînî da destpêkerdene.

Têkoşîno ke çarçewa na hemle de vejîya werte rîyo raştikên ê îqtîdarê AKP-MHPyî vet werte. Na raştîye kerd ke teber û zere de têkoşînê vera AKP-MHPyî geş bibo. Wina çêrîya ke na hemle daya her  cayê dinya de kerd ke vera kolonyalîzmî têkoşîn bêro kerdene. Îqtîdarê AKP-MHPyî bi manaya raştikêne rewşa hêrişî kerda rewşa pawitişî. Hêrişkerîya ci bi esas ke semedê astengkerdişê rijnayîş xo yo.

Hemleya 'Tecrîd, Îşxal û Faşîzmî rê bes o; Wext Wextê Azadîye yo' û Hemleya 'Qirkerdişê cinîyan rê ney, wextê wextê pawitişê komel û cinîya azadîye yo' de cinîyan pê neweperestîya zêde ya aadîye û kelecnîya azadîya Rayberîye rayberîye kerde. Sere de Rojawan de Vakurê Kurdîstanî, Tirkîya, Ewropa û Başûrê Kurdîstanî de cinîyî tim vernî de bîyî. Vera hêrişan cinîyî vindertî û înan kerd ke têkoşîn dewam bikero.

Semedo ke têkoşînê rijnayîşê faşîzmî, qedînayîşê tecrîdî û caardişê azadîya Rayberîye armanc bîyî mîyanê serrêke de têkoşînê seba azadîya Rayberîye resa astêka girînge. Çunke ame dîyene ke têkoşînê semedê azadîya Rayber Apoyî, têkoşînê çimeyê demokrasî yo, têkoşînê semedê azadîya Rayber Apoyî Kurdîstan, Tirkîya û Rojhelatê Mîyanênî de geş bîyo û ameyo astêka girînge. Hînî têkoşînê semedê azadîya Rayberîye bîyo global, cinî, sosyalîst, kedkar, roşnvîr û hêzê demokrasî wayîrê ci vejîyenê. Ewro pêro dinya de fikrê Rayber Apoyî bîyê xeta îdeolojîke û sîyasî.

Wexto ke babete bena azadîya Rayberîye û geşkerdişê têkoşînê azadîye zîndanî tim pê berpirsîyarî têgêrayî û pê ruhê 14ê Temmuze tewrê têkoşînî bîyî. Rixmo ke ma eşkerayîya xo ya semedê hemle de venga zîndanan da zî embazanê ma yê zîndanan dest oê grevê vêşanîye kerd û semedê na hemle wezîfeyê xo ardî ca.

Hemleya 'Tecrîd, Îşxal û Faşîzmî rê bes o; Wext Wextê Azadîye yo' hêrişanê giranan ê AKP-MHPyî reyde, Tirkîya û Vakurê Kurdîstanî de kerd ke têkoşînê vera faşîzmê AKP-MHPyî bibo rojdem û berdewam. Rixmê êrişanê vera cinî, ciwan, HDP û hêzanê demokrasî têkoşînê şarê kurdî û hêzanê demokrasî, xoverdayîşê ma ra yade girewt, dêsê tersî yê îqtîdarê AKP-MHPyî heta astêka bîne rijnaye.

Hemleya 'Tecrîd, Îşxal û Faşîzmî rê bes o; Wext Wextê Azadîye yo' 8ê Adare de cinîyan, Newroze de pêro kurdan mojna ke înan cewab danê hemle û tewrê ci bîyî. 8ê Adare û Newroze qerardarîya cinîyan, ciwanan û şarê kurdî ya semedê azadîye Rayberîye û qedînayîşê îşxalî bi xurtî îsbat kerde. Mojna ke hêrişê faşîzmî yê çimtersnayîşî  mîyanê şarî de bîyî sebebê teqayîşê hêrsî û hêzêkê pîlî yê azadîye.

Sere de kiştişîyayîşê Denîze Poyraz, vera hêriş û tedayanê AKP-MHPyî geşbîyayîşê têkoşînê hemparî yê şaranê Tirkîya û demokrasî mojna pêro Tirkîya û dinya ke peynîya AKP-MHPyî ameyo. Na rewşe Tirkîya, Rojhelatê Mîyanênî û dinya de raştîya prosesê dimayê AKP-MHPyî ser o bale ante. Hemleya 'Tecrîd, Îşxal û Faşîzmî rê bes o; Wext Wextê Azadîye yo'  semedo ke AKP-MHP bêro na rewşe rolêko dîyarker kay kerd.

Serkewtişê Hemleya 'Tecrîd, Îşxal û Faşîzmî rê bes o; Wext Wextê Azadîye yo' de keda girînge ya şaranê Rojawanî esta. Şarê Rojawanî pê fikrê cuya azade û demokratîke hişmendîya faşîste ya qirkere a Tirkîya  rijnaye, tim payan ser o mendî, hemleya ma bi serkewtişî arde ca. Têkoşînê vera îşxalî, çareserkerdişê meseleya kurdan û demokratîkbîyayîşê Rojhelatê Mîyanênî geşbîyayîşê na hemle de rolê girîngî kay kerdî. Nê tewirê înan rêxistinîye û têkoşînê şaranê Rojawanî vera hêriş û îşxalî xurt kerd.

Şarê ma yê Ewropa semedo ke yewîya çar parçeyanê Kurdîstanî temsîl bikero Hemleya 'Tecrîd, Îşxal û Faşîzmî rê bes o; Wext Wextê Azadîye yo' de rolê rayberîye kay kerd. Rixmê astengîya janê Korona zî înan hêzêko xurt da hemle. Semedo ke azadîya Rayberîye dinya de biba rojdem înan rolê xo ardî ca, semedê kifşkerdişê rîyê raştikênî yê îqtîdarê faşîstî yê AKP-MHPyî, semedê zelalkerdiş û têkoşînê vera îqtîdarî înan rolê xo ardî ca. Şarê ma yê Ewropa bi desan serrî yo semedê pawitişê estbîyayîşê kurdan, caardişê azadîya Rayberîye û kurdan û semedê serkewtişê Hemleya Azadîye qet nêvindert û mîyanê têkoşînî de cayê xo girwt. Şarê ma yê Ewropa mojna ke ê vengo tewr xurt û paştdayoxo tewr xurt ê her parçeyê Kurdîstanî û kurdan ê.

Şarê ma yê Başûrê Kurdîstanî pê şîarê 'Îşxalî biqedînê, wext wextê Kurdîstanî yo' tewrê hemle bi. Şarê ma yê Başûrî hertiim îfade kerd ke ê dûştê îqtîdarê AKP-MHPyî û beragehanê dewleta tirke ya îşxalkere yê. Ê zanenê ke dewleta tirke çinkerdişê destkewteyanê kurdan xo rê kerd hedef û bi nê hawayî pê yewîya neteweyî tim vera kolonyalîzmî têkoşîn kerd. PDKyî seke dewleta tirke semedê Kurdîstanî tehluke nîya  têkoşînê şarê Başûrî yê vera îşxalî asteng kerd, çalakîyanê vera îşxalî de hêriş kerd. Pêro dinya AKP sey dişmenê kurdan û demokrasî vînena la PDK hetkarîya Tirkîya keno. Şarê Başûrê Kurdîstanî sere de cinîyî rixmê teda û astengîyan zî her frisend de tewirê xo yê vera îşxalî mojna, hêz da Hemleya 'Tecrîd, Îşxal û Faşîzmî rê bes o; Wext Wextê Azadîye yo.'

Şarê Mexmûrî û şarê Şingalî zî sey şarêko ke îqtîdarê faşîstî yê AKP-MHPyî etwr zaf hêrişê ci kerdo, tim paştî daye hemle, vera hêrişan têkoşînê xo dewam kerd û pê tewirê xo kurdan rê bîyî mîsal. Grevê vêşanîye yê Mexmûr û Lavrioyî zî bîyî çalakîyanê tewr girîngan ê Hemleya 'Tecrîd, Îşxal û Faşîzmî rê bes o; Wext Wextê Azadîye yo.'

Şarê ma yê Rojhelatê Kurdîstanî zî pê şîarê 'Peynîya dardekerdişî bîyarê, wext wextê demokrasî yo' tewrê hemle bi. Şarê ma yê Rojhelatê Kurdîstanî zaneno ke dewleta tirke dişmena kurdan a coka têkoşîbê vera dewleta tirke sey têkoşînê azadîye yê Rojhelatê Kurdîstanî dîyo. Dewleta tirke her firsend de eşkera kena ke ê vera têkoşînê azadîye yê Rojhelatî yê zî. Xora wextanê peyênan de hêrişê xo yê vera Rojhelatî zî zêdînayî.

Bêguman gerîlayî pê pêro hêzê xo tewrê na çalakîye bîyî. Înan vera pêro hêrişan bi çêrî xo ver da û cearetêko pîl da têkoşêran. Îqtîdarê faşîstî 10ê sibate de xîret kerd ke Garê de derba girane bido gerîlayan, vera kurdan û hêzanê demokrasî ser bikewo. Semedê ney çekê kîmyewî zî tede înan her çi şuxilnayî, pê helîkopteran gerîlayî dayî bombayan ver û şewêke nişka ra remayî. Înan têna vera gerîlayan nê vera pêro merdimîye û şaranê Tirkîya sûc kerd.

Îqtîdarê faşîstî yê AKP-MHPyî semedo ke rijîyayîş û binkewtişê xo binimno 23ê nîsana 2021î de vera Herêmanê Pawitişî yê Medya hêrişê îşxalî dayî destpêkerdene. Faşîzmê AKP-MHPyî pê PDKyo ke gerîlayan gêno binê ablûqa û lojîstîk dano leşkeranê tirkan nê xoverdayîşê gerîlayan ê çar mengan de warê leşkerî û sîyasî de bin kewtî.

Vakurê Kurdîstanî û Herêmanê Pawitişî yê Medya de vera hêrişanê îşxalî û rijnayîşê îqtîdarê AKP-MHPyî xoverayîşê gerîlayan ê fedayî paştdayîşêko xurt da Hemleya 'Tecrîd, Îşxal û Faşîzmî rê bes o; Wext Wextê Azadîye yo.' Ma pêro şerwananê azadîye yê ke nê têkoşînî de şehîd bîyê bi rêzdarî yad kenê.

Hemleya 'Tecrîd, Îşxal û Faşîzmî rê bes o; Wext Wextê Azadîye yo' na yew serre de mojna ke semedê vergirewtişê îqtîdarê AKP-MHPyî rolêko pîl kay kerdo. Eke hemleyêka winasêne nêamebî destpêkerdene û her cayê Kurdîstanî de ma verê hêzanê têkoşînî nêbidîyayêne îqtîdarê faşîstî, no îqtîdar nêvindertêne. Ma yewîya şarê kurdî û têkoşînê hemparî yê hêzanê demokrasî yê. Pê Hemleya 'Tecrîd, Îşxal û Faşîzmî rê bes o; Wext Wextê Azadîye yo' verê rewşanê xiraban ame girewtene,rijnayîşê îqtîdarê AKP-MHPyî û azadîya Rayberîye nêzdî bîyî. Îradeyê şarê kurdî xurtêr bi. Nê çîyî mojnenê ke îşxalî wextê nêzdî de do biqedê.

Hemleya ma serrêke de îqtîdarê AKP-MHPyî lerzna, qels kerd û ard asta rijnayîşî. Tecrîdê vera Rayberîye ame qelskerdene, ame astêka bêmana û bêbinge, semedê azadîya Rayberîye serebûtê girîngî ameyî kerdene. La tecrîdê vera Rayberîye hema zî dewam keno. Vera îşxalî dewleta tirke ya îşxalkere û kolonyalîste tewir û têkoşînê şarî  pê na hemle vejîyayî werte. La îşxal û hêrişî hema zî dewam kenê.

Şarê kurdî, dostanê kurdan û hêzanê demokrasî zî dî ke têna pê hêzê rêxistinîye û têkoşînî netîce yena girewtene. Hemleya yew serre mojna le eke têkoşîn tayêk zî geş bibo do bireso pêro hedefanê xo. Nê hetî ra kêmasîyê ma estê. Paradîgmaya Rayberîye wayîra ê hêzî ya ke ewro ra zêdêr netîceyan bigêra. Hetê îdeolojîk û sîyasî ra şarê kurdî û hêzê kurdîstanî zemînê meşrû û heqdarî de wayîrê ê îmkanî yê ke bi her hawayî ser bikewê. Dişmenê kurdî û demokrasî yê qirker û kolonyalîstî zî mîyanê krîzî de dewrê xo yê tewr qelsî de yê. Na raştî ya ke serra diyîne ya hemle de pê bawerîya serkewtişê pîlî, bi rêxistinîye eke pêro hêzî vera faşîzmê AKP-MHPyî têkoşîn bikerê destkewteyê tewr pîlî yê tarîxî do bêrê destvistene.

Serra 2. ya Hemleya ma ya Azadîye de hedefê ma yo verên rijnayîşê faşîzmê AKP-MHPyî, caardişê azadîya Rayber Apoyî û pêro parçeyanê Kurdîstanî de qedînayîşê îşxalî yo. Rijnayîşê AKP-MHPyî têna Tirkîya demokratîk nêkero û meseleya kurdan çareser nêkero Rojhelatê Mîyanênî zî demokratîk bikero. Nê hetî ra rijîyayîşê faşîzmê AKP-MHPyî semedê şarê kurdî û hêzanê demokrasî firsend û wezîfeyêko tarîxî yo.

Kurdîstan, Tirkîya û Rojhelatê Mîyanênî de êyê ke do meseleyan çareser bikerê, sîstemê demokratîl û alternatîfî biafernê kurd ê ke serê xeta Rayber Apoyî de têkoşîn kenê û şarê û hêzê ke kurdan reyde îtîfaq kerdo.  Nê hetî ra ma venga şarê kurdî yê çar parçeyanê Kurdîstanî û teberê welatî, venga şaranê way û birayan, hêzanê demokrasî danê ke rayberîya cinî û ciwanan de serra diyîne ya Hemleya Azadîye de zêdêr bibê yew, nê esasî ser o têkoşînî geş bikerê, îqtîdarê AKP-MHPyî birijnê, Rayber Apoyî azad bikerê, Kurdîstanî azad bikerê, Tirkîya û Rojhelatê Mîyanênî demokratîk bikerê.''