Eşkerayîya Hemserekîya Konseya Rayberdişî ya KCKyî wina ya:

"Ma keyeyanê kesanê ke erdlerz de wefat kerd rê serweşîye wazenê. Ganî şarê ma seke pêro felaketan de paştî dano yewbînan nê erdlerzî de zî paştî bido mexduran. Erjê ke dewiranê tarîxî de ameyî meydan hewce danê ka ma wina bikerê. Zaf girîng o ke ganî şarê ma dewlete ra nêpawo û heta ke erey nêbo hetkarî û paştî bido mexduranê erdlerzî. Hetkarî û paştdayîşî bingeyê komelêkî yê.

Zaf reyî eşkera bî ke dewleta tirke asayîş û weşîya şarî pey goşîye kena. Bacê ke seba erdlerzî ameyî arêdayene seba tebdîranê vera erdlerzî nêameyî xebitnayene. No zî kesayetê îqtîdarê AKPyî mojneno.

Dewleta tirke hûmara rastikêne ya mergan nimite. Xora ma hêvî kenê ke kesêk hînî nêmiro. Bi wesîleya nê erdlerzî ma wazenê wina vajê ke eke zîhnîyetê îqtîdarî bi heman hawayî bimano û seba erdlerzî tebdîran nêgêro serranê nêzdîyan de şarê ma do felaketan reyde rî bi rî bêro. Coka ganî dewlete û îqtîdar ser o teda bêra kerdene ke tebdîran bigêrê. Awil zî ganî komel verî ke pabeyê dewlete vindero tebdîran bigêro û paştdayîşê xo zêde bikero.

Ma reyna pêro şarê xo rê vanê ke wa derbazî bo û birîndaran rê zî şîfa wazenê. Ma bawer kenê ke şarê ma do bi hawayêkê xurtî hetkarîya yewbînan bikero."